ຕາມຂ່າວສານຊິນຮວາ: ຫວ່າງມໍ່ໆນີ້, ພັກການເມືອງແລະຜູ້ນຳຂອງປະເທດໃກ້ຄຽງໄດ້ສົ່ງໂທລະເລກອວຍພອນໄປຍັງຈີນເນື່ອງໃນໂອກາດວັນສ້າງຕັ້ງພັກກອມມູນິດຈີນຄົບຮອບ 95 ປີ.
ຄະນະບໍລິຫານງານສູນກາງພັກປະຊາຊົນປະຕິວັດລາວ, ຄະນະກຳມະການສູນກາງພັກປະຊາຊົນກຳປູເຈຍແລະຄະນະບໍລິຫານງານສູນກາງພັກກອມມູນິດຫວຽດນາມຕ່າງໄດ້ສົ່ງໂທລະເລກອວຍພອນໄປຍັງສູນກາງພັກກອມມູນິດຈີນໂດຍສະແດງຄວາມຊົມເຊີຍຢ່າງສຸດໃຈຕໍ່ຜົນສຳເລັດຂອງພັກກອມມູນິດຈີນກໍຄືປະຊາຊົນຈີນໃນການສ້າງສາພາລະກິດສັງຄົມນິຍົມທີ່ມີສີສັນພິເສດຂອງຈີນໂດຍສະເພາະຜົນສຳເລັດໃນການປະຕິຮູບແລະເປີດປະຕູສູ່ພາຍນອກແລະການກໍ່ສ້າງໃຫ້ຫັນເປັນທັນສະໄໝ ທັງອວຍພອນພັກກອມມູນິດຈີນຈົ່ງສືບຕໍ່ໄດ້ຮັບຜົນສຳເລັດອັນໃໝ່ໃຫຍ່ຫຼວງກວ່າເກົ່າໃນການບັນລຸເປົ້າໝາຍສັງຄົມອີ່ມໝຳສຳລານຢ່າງຮອບ ດ້ານແລະອວຍພອນໃຫ້ບັນລຸເປົ້າໝາຍສູ້ຊົນ 100 ປີ 2 ເຫດການແລະຄວາມໄຝ່ຝັນຂອງຈີນໂດຍໄວ.
ນອກນີ້, ທ່ານ ກິມເຈິງອຸນ ປະທານພັກແຮງງານ ສປປ ເກົາຫຼີແລະທ່ານ ມິເຢກອມໂບ ເອນຮ໌ໂບນດ໌ ປະທານພັກປະຊາຊົນມົງໂກລີກໍໄດ້ສົ່ງໂທລະເລກອວຍພອນເຖິງທ່ານ ສິຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນເຊັ່ນກັນ.