ຫວ່າງມໍ່ໆນີ້, ທ່ານ ອັບໂດ ໂກໂຣມາ ອະດີດຜູ້ພິພາກສາສານໂລກໄດ້ໃຫ້ສຳພາດຕໍ່ນັກຂ່າວວ່າ, ການທີ່ໃຫ້ປະເທດໃດໜຶ່ງເຫັນດີນຳເປັນປັດໄຈທີ່ຂາດບໍ່ໄດ້ໃນການຕັດສິນແບບບັງຄັບແຕ່ສຳລັບບັນຫາອະທິປະໄຕເໜືອດິນແດນແລະການຂີດແບ່ງຊາຍແດນທາງທະເລທີ່ຈີນບໍ່ຮັບເອົາວິທີແກ້ໄຂຈາກການຂໍ້ຮອງນຳຝ່າຍທີ 3 ນັ້ນ, ຜົນການຕັດສິນຂອງສານອະນຸຍາໂຕຕຸລາການຕໍ່ບັນຫາທະເລຈີນໃຕ້ກໍບໍ່ມີຜົນບັງຄັບໃຊ້.
ທ່ານ ໂກໂຣມາ ຊ່ຽວຊານກົດໝາຍສາກົນເປັນໜຶ່ງໃນຜູ້ຮ່າງສົນທິສັນຍາສະຫະປະຊາຊາດວ່າດ້ວຍກົດໝາຍທະເລແລະດ້ວຍປະສົບການໃນການຄົ້ນຄວ້າກົດໝາຍສາກົນເປັນເວລາຫຼາຍສິບປີແລະມີບົດຮຽນຈາກພຶດຕິກຳຕົວຈິງນັ້ນເຫັນວ່າ, ການປຶກສາຫາລືແລະເຈລະຈາກັນເປັນວິທີແກ້ໄຂຄວາມຂັດແຍ້ງກັນຢູ່ທະເລຈີນໃຕ້ດີທີ່ສຸດ. ຂະນະທີ່ການຫວັງແກ້ໄຂຄວາມຂັດແຍ້ງກັນຈາກການຮ້ອງຂໍນຳຝ່າຍທີ 3 ທີ່ໄຮ້ຄວາມສັກສິດທາງນິຕິທຳພຽງຝ່າຍດຽວນັ້ນເປັນການກະທຳທີ່ເຫັນແກ່ຜົນປະໂຫຍດໃນປັດຈຸບັນເຊິ່ງບໍ່ພຽງແຕ່ບໍ່ເປັນປະໂຫຍດຕໍ່ການແກ້ໄຂບັນຫາເທົ່ານັ້ນຫາກຍັງຈະທຳລາຍວິທີແກ້ໄຂບັນຫາໂດຍຜ່ານການເຈລະຈາ.
ທ່ານ ໂກໂຣມາ ກ່າວຕື່ມວ່າ, ໃນໄລຍະຜ່ານມາ, ທະເລຈີນໃຕ້ເປັນເຂດທະເລທີ່ມີສັນຕິພາບ, ຂະນະທີ່ຈີນໄດ້ເສີມຂະຫຍາຍບົດບາດສຳຄັນທີ່ສຸດໃນການປົກປັກຮັກສາສັນຕິພາບຢູ່ເຂດທະເລດັ່ງກ່າວເຊິ່ງບົດບາດສ້າງສັນຂອງຈີນເປັນສິ່ງທີ່ໜ້າຍ້ອງຍໍສັນລະເສີນ. ແນວໃດກໍດີ, ການທີ່ເອົາຄວາມຂັດແຍ້ງກັນຢູ່ທະເລຈີນໃຕ້ໃຫ້ສານອະນຸຍາໂຕຕຸລາການທີ່ບໍ່ມີຄວາມສັກສິດທາງນິຕິທຳມາແກ້ໄຂເຊິ່ງບໍ່ພຽງຝ່າຍດຽວນັ້ນພຽງແຕ່ຈະກໍ່ຄວາມວຸ້ນວາຍຢູ່ເຂດທະເລນີ້ເທົ່ານັ້ນທັງຍັງບໍ່ເປັນປະໂຫຍດຕໍ່ການແກ້ໄຂບັນຫາຢ່າງແທ້ຈິງ.
 |
