ຕາມຂ່າວ CRI: ສື່ມວນຊົນມາເລເຊຍແຈ້ງຂ່າວວ່າ, ມາເລເຊຍແລະສິງກະໂປຈະລົງນາມບົດບັນທຶກຄວາມເຂົ້າໃຈກັນກ່ຽວກັບທາງລົດໄຟຄວາມໄວສູງຈາກສິງກະໂປຫາກົວລາລຳເປີຢູ່ນະຄອນຫຼວງກົວລາລຳເປີຂອງມາເລເຊຍໃນວັນທີ 19 ກໍລະກົດນີ້.
ທ່ານນາຈິບ ດຸນ ຣາຈັກ, ນາຍົກລັດຖະມົນຕີມາເລເຊຍແລະທ່ານລີຊຽນລຸງ, ນາຍົກລັດຖະ ມົນຕີສິງກະໂປຈະຮ່ວມກັນເປັນສັກຂີພິຍານຂອງພິທີເຊັນສັນຍາດັ່ງກ່າວ, ທາງລົດໄຟຄວາມໄວສູງດັ່ງກ່າວນີ້ກໍຈະກາຍເປັນໂຄງການທາງລົດໄຟຄວາມໄວສູງທີ່ສຸດຂອງອາຊີຕາເວັນອອກສຽງໃຕ້. ທ່ານອັບດູ ຣາມັນ, ຫົວໜ້າຫ້ອງການວຽກງານນາຍົກລັດຖະມົນຕີມາເລເຊຍແລະທ່ານໂຄບູນວັນ, ລັດຖະມົນຕີກະຊວງຄົມມະນາຄົມສິງກະໂປຈະຕາງໜ້າລັດຖະບານຂອງປະເທດຕົນລົງນາມໃນບົດບັນທຶກຄວາມເຂົ້າໃຈກັນ. ພິທີລົງນາມຈະຈັດຂຶ້ນຢູ່ສຳນັກງານນາຍົກລັດ ຖະມົນຕີມາເລເຊຍ.
ການທີ່ລົງນາມບົດບັນທຶກຄວາມເຂົ້າໃຈກັນທາງລົດໄຟຄວາມໄວສູງສິງກະໂປຫາກົວລາລຳເປີພຽງແມ່ນບາດກ້າວທຳອິດໃນແຜນການກໍ່ສ້າງທາງລົດໄຟຄວາມໄວສູງດັ່ງກ່າວ, ມີຜູ້ຮູ້ຂ່າວຄາດຄະເນວ່າ, ສັນຍາລະອຽດລະຫວ່າງສອງຝ່າຍຈະລົງນາມໃນທ້າຍປີນີ້.