ຕາມຂ່າວCRI: ໂດຍແນໃສ່ການສະແດງທ່າທີຂອງທ່ານໂຣດຣິໂກ ດູເຕັກເຕ ປະທາ ນາທິບໍດີຟີລິບປີນກ່ຽວກັບແຕ່ງຕັ້ງທ່ານຟິເຕີ ວາເຕັສ ຣາມອສ໌ ອະດີດປະທານາທິບໍດີຟີລິບປີນເປັນທູດພິເສດໄປປັກກິ່ງເພື່ອດຳເນີນການເຈລະຈາ, ທ່ານລູ້ຄ່າງ, ໂຄສົກກະຊວງການຕ່າງປະເທດຈີນກ່າວໃນວັນທີ 15 ກໍລະກົດນີ້ວ່າ, ຈີນໄດ້ສົນໃຈນຳການສະແດງທ່າທີຂອງທ່ານໂຣດຣິໂກ ດູເຕັກເຕ, ຈີນຊົມເຊີຍຕໍ່ທ່ານທີ່ຍິນດີສົ່ງທູດພິເສດມາຈີນເພື່ອດຳເນີນການເຈລະຈາ.
ທ່ານລູ້ຄ່າງກ່າວວ່າ, ຈີນມີຫຼັກໝັ້ນໂດຍຕະຫຼອດຕໍ່ຄະດີຕັດສິນທີ່ຟີລິບປີນສະເໜີແຕ່ຝ່າຍດຽວ, ຈະບໍ່ຮັບຮອງເຈດຈຳນົງແລະການກະທຳໃດໆທີ່ບົນພື້ນຖານຜົນການຕັດສິນ. ຈີນຫວັງວ່າສອງປະເທດສາມາດກັບຄືນສູ່ຄວາມເຫັນເປັນເອກະສັນກັນໃນເມື່ອກ່ອນ, ແກ້ໄຂບັນຫາທີ່ກ່ຽວຂ້ອງຢ່າງເໝາະສົມໂດຍຜ່ານການເຈລະຈາ, ທຳຄວາມພະຍາຍາມຮ່ວມກັນເພື່ອປັບປຸງແລະຂະຫຍາຍການພົວພັນລະຫວ່າງສອງປະເທດໃຫ້ດີຂຶ້ນ.