ວັນທີ 19 ກໍລະກົດນີ້, ທ່ານຈ່າງຈຸ່ນເຊີ້ ນັກຄົ້ນຄວ້າສະຖາບັນຄົ້ນຄວ້າວິຊາການການທະຫານກອງທັບເຮືອຈີນໃຫ້ສຳພາດວ່າ: ໄລຍະມໍ່ໆມານີ້, ຫຼາຍປະເທດເຊັ່ນອາເມລິກາໄດ້ຖືເອົາ"ການເດີນເຮືອທີ່ເສລີ"ມາເປັນຂໍ້ອ້າງດ້ວຍການຝຶກຊ້ອມຕໍ່ເນື່ອງຢູ່ທະເລຈີນໃຕ້, ແຕ່ຄວາມຈິງແລ້ວນັ້ນແມ່ນການສ້າງຄວາມວຸ້ນວາຍ.ຂະນະທີ່"ຄວາມເສລີໃນການເດີນເຮືອ"ຢູ່ທະເລຈີນໃຕ້ກໍບໍ່ມີບັນຫາ.ທ່ານຈ່າງຈຸ່ນເຊີ້ກ່າວຕື່ມວ່າ: ບັນຫາທະເລຈີນໃຕ້ເປັນບັນຫາລະຫວ່າງຈີນກັບຝ່າຍທີ່ກ່ຽວຂ້ອງເຊັ່ນຟີລິບປິນ, ຫາກບໍ່ແມ່ນບັນຫາຂອງປະເທດພາຍນອກເຊັ່ນອາເມລິກາແລະຍີ່ປຸ່ນໂດຍຜ່ານມາອາເມລິກາກໍໄດ້ຢືນຢັນຫຼາຍເທື່ອແລ້ວວ່າຈະບໍ່ເຂົ້າຂ້າງຝ່າຍໃດໃນບັນຫາທະເລຈີນໃຕ້ເຊິ່ງຈຸດນີ້ພວກຂ້າພະເຈົ້າຫວັງວ່າອາເມລິກາຈະຮັກສາຄຳໝັ້ນສັນຍາຂອງຕົນດ້ວຍການຢ່າສືບຕໍ່ສ້າງຄວາມວຸ້ນວາຍຕື່ມອີກ.
ທ່ານຈ່າງຈຸ່ນເຊີ້ຢືນຢັນວ່າ: ຈາກຄະດີຕັດສິນບັນຫາທະເລຈີນໃຕ້ເມື່ອບໍ່ດົນມານີ້ສາມາດເຫັນໄດ້ວ່າ: ມີປະເທດພາຍນອກຄວບຄຸມຢູ່ເບື້ອງຫຼັງໂດຍຈຸດປະສົງທີ່ແທ້ຈິງກໍຄືທຳລາຍຂະບວນການພັດທະນາຂອງຈີນແລະປະເທດກ່ຽວຂ້ອງ, ການທີ່ທະເລຈີນໃຕ້ເກີດຄວາມວຸ້ນວາຍບໍ່ສອດ ຄ່ອງກັບຜົນປະໂຫຍດຂອງຈີນແລະຝ່າຍທີ່ກ່ຽວຂ້ອງ ເຊິ່ງສຸດທ້າຍແລ້ວຜົນຮ້າຍກໍຈະຕົກຢູ່ປະເທດພາຍໃນພາກພື້ນທະເລຈີນໃຕ້. ສະນັ້ນ,ການກະທຳຂອງປະເທດພາຍນອກເຫຼົ່ານັ້ນແມ່ນຂາດຄວາມຮັບຜິດຊອບທີ່ສຸດ.