ແນໃສ່ຄຳຕັດສິນບັນຫາທະເລຈີນໃຕ້ຂອງສານອະນຸຍາໂຕຕຸລາການ, ທ່ານດູມີເຕຣສຄູ ປະທານສະມາຄົມມິດຕະພາບຣູມານີ-ຈີນ,ອະດີດເອກອັກຄະລັດຖະທູດຣູມານີປະຈຳຈີນໄດ້ໃຫ້ສຳພາດຕໍ່ນັກຂ່າວຈາກຂ່າວສານຊິນຮວາໃນເມື່ອມໍ່ໆມານີ້ໂດຍກ່າວເນັ້ນວ່າ: ບໍ່ວ່າອະນຸຍາໂຕຕຸລາການໃດກໍຕາມກໍບໍ່ສາມາດປ່ຽນແປງຄວາມຈິງທີ່ວ່າເກາະຕ່າງໆພ້ອມດ້ວຍເຂດທະເລບໍລິເວນໃກ້ຄຽງຢູ່ທະເລຈີນໃຕ້ເປັນດິນແດນຂອງຈີນມາແຕ່ບູຮານນະການ, ອາເມລິກາໃຊ້ແນວຄິດສົງຄາມເຢັນໃນການຍຸແຍ່ໃຫ້ຟີລິບປິນກໍ່ເຫດຂຶ້ນ, ມັນເດັ່ນຊັດແລ້ວວ່າ ເປັນສິ່ງທີ່ບໍ່ຄວນເຮັດໃນຖານະເປັນປະເທດໃຫຍ່ທີ່ມີຄວາມຮັບຜິດຊອບ.
ທ່ານດູມີເຕຣສຄູເຫັນວ່າ: ຄະດີຕັດສິນບັນຫາທະເລຈີນໃຕ້ເປັນເລື່ອງໄຮ້ເຫດຜົນທາງການເມືອງແຕ່ຕົ້ນສະເໝີປາຍ, ຄຳຕັດສິນຂອງສານອະນຸຍາໂຕຕຸລາການຊົ່ວຄາວເທື່ອນີ້ເປັນໂມຄະແລະຜິດກົດໝາຍ.
ທ່ານດູມີເຕຣສຄູຢືນຢັນວ່າ ສະໜັບສະໜູນຫຼັກໝັ້ນຂອງຈີນທີ່ໄດ້ກ່າວຈະແຈ້ງແຕ່ຫົວທີວ່າ: ບໍ່ຮັບຮອງແລະບໍ່ຍອມຮັບຄຳຕັດສິນຂອງສານອະນຸຍາໂຕຕຸລາການຊົ່ວຄາວ ທັງກ່າວເນັ້ນວ່າ: ສານອະນຸຍາໂຕຕຸລາການຊົ່ວຄາວທຳການຕັດສິນແບບເຂົ້າຂ້າງຝ່າຍໃດໜຶ່ງພາຍໃຕ້ກໍລະນີທີ່ບໍ່ໄດ້ຮັບການຢືນຢັນຈາກປະເທດທີ່ກ່ຽວຂ້ອງນັ້ນແມ່ນບໍ່ມີຄວາມໜ້າເຊື່ອຖືແຕ່ຢ່າງໃດ.