ຫວ່າງມໍ່ໆນີ້, ໃນເວລາໃຫ້ສຳພາດຕໍ່ນັກຂ່າວຂອງຂ່າວສານຊິນຮວາ, ທ່ານນາງອີຣິນາ ຈີວຈີເອວາ ໂບໂຄວາ ຜູ່ອຳນວຍການໃຫຍ່ຂອງ UNESCO ກ່າວວ່າ, ຊົມເຊີຍເຊີນນົງເຈ້ຍແຂວງຫູເບີຍແລະແຫຼ່ງທິວທັດວັດທະນະທຳສິລະປະຮູບແຕ້ມໜ້າຜາພູຮວ່າຊ່ານຈົວຈ່ຽງເຂດກວາງຊີ່ສປຈີນໄດ້ຮັບຮອງເຂົ້າເປັນຊື່ມໍລະດົກໂລກ, ແລະກ່າວວ່າຈີນແມ່ນແບບຢ່າງໃນການອະນຸລັກມໍລະດົກໂລກ.
ທ່ານນາງໂບໂຄວາກຳລັງເຂົ້າຮ່ວມການແຂ່ງຂັນທີ່ເລືອກຕັ້ງເລຂາທິການໃຫຍ່ສະຫະປະຊາຊາດຊຸດໃໝ່ຢູ່ສຳນັກງານໃຫຍ່ຂອງສະຫະປະຊາຊາດທີ່ຕັ້ງຢູ່ນິວຢອກ, ທ່ານນາງກ່າວວ່າ, ຈີນແມ່ນປະເທດທີ່ມີມໍລະດົກໂລກທາງທຳມະຊາດແລະວັດທະນະທຳຫຼາຍທີ່ສຸດໃນໂລກ. "ຈີນໄດ້ສ້າງຕົວຢ່າງທີ່ດີໃຫ້ທົ່ວໂລກໃນດ້ານອະນຸລັກມໍລະດົກ, ບົດຮຽນຂອງຈີນເປັນບົດຮຽນທີ່ດີສຳລັບປະເທດອື່ນໆໃນໂລກ.
ກອງປະຊຸມຄະນະກຳມະການມໍລະດົກໂລກຂອງ UNESCO ຄັ້ງທີ 40 ໄດ້ຕົກລົງຮັບຮອງເອົາເຊີນນົງເຈຍແຂວງຫູເບີຍແລະແຫຼ່ງທິວທັດວັດທະນະທຳສິລະປະຮູບແຕ້ມໜ້າຜາພູຮວ່າຊ່ານຈົວຈ່ຽງເຂດກວາງຊີ່ສປຈີນເປັນມໍລະດົກໂລກ, ເຊິ່ງເຮັດໃຫ້ສປຈີນມີມໍລະດົກໂລກແລ້ວເຖິງ 50 ແຫ່ງ.