ກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານກາງຂອງກຸ່ມ 20 ປະເທດຫຼື G20 ຄັ້ງທີ 3 ປີ2016ທີ່ດຳເນີນມາເປັນເວລາ 2 ວັນຢູ່ເມືອງເສີງຕູ່ແຂວງເສສວນຈີນໄດ້ອັດລົງໃນວັນທີ 24 ກໍລະກົດນີ້ ໂດຍໄດ້ອອກຖະແຫຼງການ 9 ຂໍ້ ແລະ ບັນດາຝ່າຍເຫັນດີຈະຈັດຕັ້ງປະຕິບັດໃຫ້ຫຼາຍກວ່າເກົ່າເພື່ອເພີ່ມຄວາມໝັ້ນໃຈແລະຊຸກຍູ້ການເຕີບໂຕ.
ກອງປະຊຸມດັ່ງກ່າວໄດ້ຫາລືສະພາບເສດຖະກິດໂລກໃນປັດຈຸບັນເປັນຕົ້ນຕໍ, "ຂອບການເຕີບໂຕທີ່ເຂັ້ມແຂງ,ຍືນຍົງແລະໝັ້ນທ່ຽງ", ການປະຕິຮູບຂະແໜງການເງິນແລະຫົວຂໍ້ອື່ນໆເປັນຕົ້ນຕໍ ພ້ອມທັງໄດ້ຕີລາຄາຜົນສຳເລັດທີ່ສຳຄັນໃນຫົວຂໍ້ຕ່າງໆ ເຊິ່ງໄດ້ກຽມພ້ອມຢ່າງດີໃຫ້ແກ່ໝາກຜົນດ້ານການເງິນຂອງກອງປະຊຸມສຸດຍອດຫາງໂຈ່ວທີ່ຈະຈັດຂຶ້ນໃນເດືອນກັນຍາປີນີ້.
ທ່ານ ໂຫຼຈີ້ເຫວີຍ ລັດຖະມົນຕີກະຊວງການເງິນຈີນໄດ້ຖະແຫຼງຂ່າວຫຼັງກອງປະຊຸມວ່າ: ການຟື້ນຕົວຂອງເສດຖະກິດໂລກອ່ອນກວ່າຄາດໝາຍ ແລະສະພາບແວດລ້ອມເສດຖະກິດຜະເຊີນກັບສິ່ງທ້າທາຍ. ຈາກສະພາບການດັ່ງກ່າວ, ບັນດາປະເທດກຸ່ມ G20 ຈຳເປັນຕ້ອງໄດ້ເພີ່ມທະວີການຮ່ວມມື, ຢ້ຳຄວາມຮັບຮູ້ຮ່ວມກັນຂອງກອງປະຊຸມຊຽງໄຮ G20, ສືບຕໍ່ໃຊ້ນະໂຍບາຍຕ່າງໆເຊັ່ນ: ນະໂຍບາຍການເງິນ,ເງິນຕາ, ການປະຕິຮູບໂຄງປະກອບແລະອື່ນໆ ເພື່ອເພີ່ມຄວາມໝັ້ນໃຈແລະຊຸກຍູ້ການເຕີບໂຕ.