ກອງປະຊຸມລະດັບລັດຖະມົນຕີຕ່າງປະເທດອາຊຽນຄັ້ງທີ 49 ອອກຖະແຫຼງການຮ່ວມ

ວັນທີ 25 ກໍລະກົດນີ້, ກອງປະຊຸມລະດັບລັດຖະມົນຕີຕ່າງປະເທດອາຊຽນຄັ້ງທີ 49 ທີ່ຈັດຂຶ້ນຢູ່ນະຄອນຫຼວງວຽງຈັນ ສປປ ລາວໄດ້ອອກຖະແຫຼງການຮ່ວມໂດຍເນັ້ນອາຊຽນຈະຈັດຕັ້ງປະຕິບັດ "ວິໄສທັດປະຊາຄົມອາຊຽນ 2025" ຢ່າງຮອບດ້ານແລະມີປະສິດທະຜົນ ເພື່ອສ້າງປະຊາຄົມອາ

ຖະແຫຼງການລະບຸວ່າ, ປະເທດສະມາຊິກອາຊຽນຢ້ຳຈະສືບຕໍ່ຮັກສາແລະຊຸກຍູ້ສັນຕິພາບ, ຄວາມໝັ້ນຄົງແລະສະຖຽນລະພາບຂອງພາກພື້ນໂດຍອີງຕາມລະບຽບສາກົນລວມທັງ "ສົນທິສັນຍາສະຫະປະຊາຊາດວ່າດ້ວຍກົດໝາຍທະເລ", ແກ້ໄຂຂໍ້ຂັດແຍ້ງກັນດ້ວຍສັນຕິວິທີໂດຍບໍ່ນຳໃຊ້ຫຼືຂົ່ມຂູ່ຈະນຳໃຊ້ກຳລັງອາວຸດ.

ຖະແຫຼງການໄດ້ຍົກໃຫ້ເຫັນສິ່ງທ້າທາຍທີ່ປະຊາຄົມອາຊຽນຜະເຊີນຈາກ 3 ດ້ານຄື ປະຊາຄົມການເມືອງ-ຄວາມໝັ້ນຄົງ, ປະຊາຄົມເສດຖະກິດແລະປະຊາຄົມວັດທະນະທຳ-ສັງຄົມທັງຊີ້ທິດທາງແລະຫຼັກການໃນການຮັບມືແລະໄຂແກ້ບັນຫາເຫຼົ່ານີ້.

ສຳລັບບັນຫາທະເລຈີນໃຕ້, ຖະແຫຼງການເນັ້ນຄວນຈັດຕັ້ງປະຕິບັດ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້" ຢ່າງຮອບດ້ານແລະມີປະສິດທິຜົນໂດຍຝ່າຍຕ່າງໆຄວນບັນລຸ "ກົດລະບຽບແຫ່ງການປະພຶດຢູ່ທະເລຈີນໃຕ້" ທີ່ມີປະສິດທິຜົນໂດຍໄວ. ແນວໃດກໍດີ, ອາຊຽນຢ້ຳຄວນສ້າງໂທລະສັບສາຍດ່ວນລະຫວ່າງລັດຖະມົນຕີການຕ່າງປະເທດໂດຍໄວເພື່ອຄວບຄຸມເຫດການສຸກເສີນຢູ່ທະເລຈີນໃຕ້ຢ່າງມີປະສິດທິຜົນ ທັງຄອງຄອຍຝ່າຍຕ່າງໆບັນລຸຖະແຫຼງ ການຮ່ວມກ່ຽວກັບການປະຕິບັດ "ກົດແຫ່ງການປະສົບຢ່າງບັງເອີນຢູ່ເທິງທະເລ".