ວັນທີ 29 ກໍລະກົດນີ້, ໃນເວລາເຂົ້າຮ່ວມກອງປະຊຸມຜູ້ປະສານງານການຈັດຕັ້ງປະຕິບັດຜົນກອງປະຊຸມສຸດຍອດໂຈຮານເນສເບີກຂອງເວທີເປິກສາຫາລືການຮ່ວມມືຈີນ-ອາຟຼກາຫຼື FOCAC ທີ່ຈັດຂຶ້ນຢູ່ນະຄອນຫຼວງປັກກິ່ງ, ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ຢືນຢັນຕໍ່ສື່ມວນຊົນວ່າ: ກອງປະຊຸມຄັ້ງນີ້ມີຂະໜາດໃຫຍ່, ລະດັບສູງແລະໄດ້ຮັບໝາກຜົນເຊິ່ງລ້ວນແຕ່ລື່ນຄາດໝາຍ, ປະເທດຕ່າງໆໃນອາຟຼິກາມີເຈົ້າໜ້າທີ່ລະດັບລັດຖະມົນຕີ 100 ກວ່າທ່ານເຂົ້າຮ່ວມກອງປະຊຸມແລະກາຍເປັນກອງປະຊຸມຂະໜາດໃຫຍ່ແຫ່ງການຮ່ວມມືລະຫວ່າງຈີນ-ອາຟຼິກາ.
ທ່ານວາງຢີ້ກ່າວວ່າ: ການຮ່ວມມືໃຕ້ໃຕ້ລະຫວ່າງຈີນ-ອາຟຼິກາມີພະລັງຊີວິດທີ່ເຂັ້ມແຂງ, ແລະພວມຄົ້ນຫາຮູບແບບໃໝ່ເພື່ອໃຫ້ຕ່າງຝ່າຍຕ່າງມີຜົນປະໂຫຍດ. ກ່ອນແລະຫຼັງກອງປະຊຸມຜູ້ປະສານງານຄັ້ງນີ້, ຈີນກັບອາຟຼິກາໄດ້ເຊັນສັນຍາຮ່ວມມືຫຼາຍໆສະບັບ, ໂດຍສ່ວນຫຼາຍແມ່ນການຮ່ວມມືໃນການລົງທຶນ. ສາມາດເວົ້າໄດ້ວ່າ, ເມື່ອທຽບໃສ່ການຊ່ອຍເຫຼືອ, ການຮ່ວມມືການລົງທຶນພວກກາຍເປັນກຳລັງຍູ້ດັນໃໝ່ທີ່ຊຸກຍູ້ການຮ່ວມມືຈີນ-ອາຟຼິກາໃຫ້ຂະຫຍາຍຕົວ,ເຊິ່ງເປັນຮູບແບບການຮ່ວມມືໃໝ່ທີ່ຕ່າງຝ່າຍຕ່າງມີຜົນປະໂຫຍດ,ຈະຊຸກຍູ້ການພົວພັນເສດຖະກິດການຄ້າລະຫວ່າງຈີນ-ອາຟຼິກາໃຫ້ກ້າວສູ່ລະດັບໃໝ່ແລະເຂົ້າສູ່ໄລຍະໃໝ່,ແລະຈະມີອະນາຄົດການພັດທະນາອັນກວ້າງຂວງ.
