ກອງປະຊຸມສຸດຍອດກຸ່ມ 20 ປະເທດຫຼື G20 ຈະຈັດຂຶ້ນຢູ່ເມືອງຫັງໂຈ່ວແຂວງເຈີ້ຈ່ຽງ ສປ ຈີນໃນວັນທີ 4-5 ກັນຍາໜ້ານີ້. ຂະນະທີ່ກ່ອນໜ້ານີ້ໄດ້ຈັດກອງປະຊຸມລະດັບລັດຖະມົນຕີການເງິນແລະຜູ້ວ່າການທະນາຄານກາງ 3 ເທື່ອແລະກອງປະຊຸມຮອງລັດຖະມົນຕີກະຊວງການເງິນແລະຮອງຜູ້ວ່າການທະນາຄານກາງ 4 ເທື່ອ ເພື່ອວາງນະໂຍບາຍໃຫ້ແກ່ການຊຸກຍູ້ການເຕີບໂຕຂອງເສດຖະກິດໂລກ ໂດຍໃນກອງປະຊຸມລະດັບລັດຖະມົນຕີການເງິນແລະຜູ້ວ່າການທະນາຄານກາງໄດ້ບັນລຸໝາກຜົນທີ່ສຳຄັນເປັນຕົ້ນນຳສະເໜີການວາງແຜນຈາກຂັ້ນເທິງໃຫ້ແກ່ການປະຕິຮູບໂຄງປະກອບໂດຍໄດ້ກຳນົດ 9 ຂົງເຂດບູລິມະສິດແລະຫຼັກ ການຊີ້ນຳ 48 ຂໍ້ ເຊິ່ງເປັນຜົນດີຕໍ່ການບັນລຸການເຕີບໂຕຂອງເສດຖະກິດທີ່ເຂັ້ມແຂງ, ຍືນຍົງແລະດຸນດ່ຽງ.
ແນວໃດກໍດີ, ຈາກການຊຸກຍູ້ຂອງຈີນ, G20 ສັນຍາວ່າຈະນຳໃຊ້ມາດຕະການຢ່າງຕັ້ງໜ້າເພື່ອຊຸກຍູ້ການລົງທຶນພັດທະນາພື້ນຖານໂຄງລ່າງ, ເປີດກວ້າງຄວາມຕ້ອງການລວມຂອງທົ່ວໂລກ ທັງສ້າງພື້ນຖານໃຫ້ແກ່ການເຕີບໂຕຂອງເສດຖະ ກິດໃນໄລຍະກາງແລະຍາວ. ນອກນີ້, ຝ່າຍຕ່າງໆຍັງໄດ້ຮັບຮອງ "ຂໍ້ລິເລີ່ມຂອງສະຫະພັນການເຊື່ອມຈອດພື້ນຖານໂຄງລ່າງທົ່ວໂລກ" ທັງສົ່ງເສີມໃຫ້ພາກສ່ວນເອກະຊົນລົງທຶນພັດທະນາພື້ນຖານໂຄງລ່າງ.
 |
