ວັນທີ 2 ສິງຫານີ້ຢູ່ນະຄອນຫຼວງປັກກິ່ງ, ທ່ານຢາງເຈສື ທີ່ປຶກສາແຫ່ງລັດຈີນໄດ້ພົບປະກັບທ່ານສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ.
ໂອກາດດັ່ງກ່າວ,ທ່ານຢາງເຈສືຢືນຢັນວ່າ ປີນີ້ຈີນ-ລາວສ້າງສາຍພົວພັນທາງການທູດຄົບຮອບ 55 ປີເຊິ່ງຖືວ່າກຳລັງມີໂອກາດໃໝ່ໃນການເສີມຂະຫຍາຍສາຍພົວພັນລະຫວ່າງສອງປະເທດ. ຫວັງວ່າສອງຝ່າຍຈະເພີ່ມການພົວພັນແລກປ່ຽນກັນທາງຍຸດທະສາດ, ລົງເລິກການຮ່ວມມືຕົວຈິງ, ຊຸກຍູ້ສາຍພົວພັນຄູ່ຮ່ວມມືຍຸດທະສາດຮອບດ້ານຈີນ-ລາວໃຫ້ຂະຫຍາຍຕົວກ້າວສູ່ລວງເລິກ. ຈີນຈະສືບຕໍ່ສະໜັບສະໜູນລາວເປັນປະທານອາຊຽນໃຫ້ມີປະສິດທິຜົນ, ຮ່ວມກັນຊຸກຍູ້ການຮ່ວມມືຈີນ-ອາຊຽນໃຫ້ປະສົບຜົນສຳເລັດຫຼາຍກວ່າເກົ່າ.
ທ່ານສະເຫຼີມໄຊຢືນຢັນວ່າ ລາວໃຫ້ຄວາມສຳຄັນສູງຕໍ່ການພົວພັນກັບຈີນທັງຍິນດີຮ່ວມກັບຈີນຊຸກຍູ້ສາຍພົວພັນລະຫວ່າງສອງປະເທດແລະການຮ່ວມມືອາຊຽນ-ຈີນໃຫ້ຂະຫຍາຍຕົວກ້າວໜ້າຢ່າງບໍ່ຢຸດຢັ້ງ.
