ທ່ານ ລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນວັນທີ 15 ສິງຫານີ້ວ່າ: ກອງປະຊຸມສຸດຍອດຜູ້ນຳກຸ່ມ 20 ປະເທດຫຼື G20 ຈະຈັດຂຶ້ນຢູ່ເມືອງຫັງໂຈ່ວແຂວງເຈີ້ຈ່ຽງ ສປ ຈີນແຕ່ວັນທີ 4 ຫາວັນທີ 5 ເດືອນໜ້ານີ້ ໂດຍເນັ້ນຫົວຂໍ້ "ການພັດທະນາເສດຖະກິດໂລກທີ່ມີການປະດິດສ້າງໃໝ່,ຄວາມມີຊີວິດຊີວາ,ມີບົດບາດຊຸກຍູ້ກັນແລະກວມລວມ". ຜູ້ນຳປະເທດສະມາຊິກ G20 ແລະ ປະເທດກິຕິມະສັກກໍຄືເຈົ້າໜ້າທີ່ອົງການຈັດຕັ້ງສາກົນທີ່ກ່ຽວຂ້ອງຈະເຂົ້າຮ່ວມກອງປະຊຸມຕາມຄຳເຊີນ. ທ່ານ ສີຈິ້ນຜິງ ປະທານປະເທດຈີນຈະເຂົ້າຮ່ວມແລະເປັນປະທານກອງປະຊຸມ ພ້ອມທັງເຂົ້າຮ່ວມການພົບປະບໍ່ເປັນທາງການຜູ້ນຳປະເທດບຣິກສ໌ແລະກິດຈະກຳທີ່ກ່ຽວຂ້ອງອື່ນໆ.
ນອກຈາກນັ້ນ,ກອງປະຊຸມສຸດຍອດອຸດສາຫະກຳການຄ້າ G20 ກໍຈະຈັດຂຶ້ນຢູ່ເມືອງຫັງໂຈ່ວແຕ່ວັນທີ 3 ຫາວັນທີ 4 ເດືອນໜ້ານີ້ເຊັ່ນກັນ ໂດຍທ່ານ ສີຈິ້ນຜິງ ປະທານປະເທດຈີນຈະເຂົ້າຮ່ວມແລະກ່າວປາໄສທີ່ສຳຄັນໃນພິທີໄຂກອງປະຊຸມ. ຜູ້ນຳປະເທດສະມາຊິກ G20 ແລະ ປະເທດກິຕິມະສັກກໍຄືເຈົ້າໜ້າທີ່ອົງການຈັດຕັ້ງສາກົນທີ່ກ່ຽວຂ້ອງຈະເຂົ້າຮ່ວມກອງປະຊຸມຕາມຄຳເຊີນ.
 |
