ພິທີເລີ່ມປະຕິບັດໂຄງການຫຼຸດທາດກາກບອນໃນໄລຍະດຳເນີນກອງປະຊຸມສຸດຍອດ G20 ເມືອງຫັງໂຈ່ວປີ 2016 ໄດ້ຈັດຂຶ້ນຢູ່ຫໍວິທະຍາສາດ-ເຕັກນິກກາກບອນຕ່ຳເມືອງຫັງໂຈ່ວ ສປ ຈີນໃນຕອນເຊົ້າວັນທີ 22 ສິງຫານີ້ ໂດຍໂຄງການດັ່ງກ່າວຈະດຳເນີນການປູກໄມ້ສ້າງປ່າເພື່ອລ້າງທາດອາຍກາກບອນດີອົ໊ກຊິດທີ່ເກີດຈາກການຄົມມະນາຄົມ, ການກິນດື່ມ ແລະ ພັກເຊົາໃນໄລຍະກອງປະຊຸມສຸດຍອດ G20 ແລະບັນລຸເປົ້າໝາຍການປ່ອຍທາດກາກບອນເປັນສູນ. ຂະນະທີ່ການດຳເນີນໂຄງການດັ່ງກ່າວຈະເຮັດໃຫ້ກອງປະຊຸມສຸດຍອດຫັງໂຈ່ວກາຍເປັນກອງປະຊຸມສຸດຍອດ G20 ຄັ້ງທຳອິດທີ່ບັນລຸການຫຼຸດທາດກາກບອນ.
ທ່ານກາວເຟິງ ຜູ້ຕາງໜ້າພິເສດການເຈລະຈາກ່ຽວກັບການປ່ຽນແປງດິນຟ້າອາກາດ ກະຊວງການຕ່າງປະເທດຈີນ ກ່າວວ່າ: ລັດຖະບານຈີນຕົກລົງໃຊ້ວິທີການປູກໄມ້ສ້າງປ່າເຮັດໃຫ້ອົ໊ກຊີແຊນເພີ່ມຂຶ້ນເພື່ອລ້າງທາດກາກບອນທີ່ປ່ອຍອອກເພີ່ມຂຶ້ນຈາກການຈັດກອງປະຊຸມສຸດຍອດ G20 ແມ່ນການກະທຳຕົວຈິງເພື່ອຮັບມືກັບການປ່ຽນແປງດິນຟ້າອາກາດ ແລະກໍເປັນການສົ່ງສັນຍານຕໍ່ການດຳເນີນກອງປະຊຸມດ້ວຍກາກບ່ອນຕ່ຳ ແລະ ອະນຸລັກສິ່ງແວດລ້ອມໃນທົ່ວໂລກ.
