ຮອດທ້າຍເດືອນມິຖຸນາປີນີ້, ຍອດຊັບສິນຂອງທະນາຄານອຸດສາຫະກຳ-ການຄ້າຈີນ ຫຼື ICBC ສາຂານະຄອນຫຼວງວຽງຈັນໄດ້ພັດທະນາແລະລື່ນທະນາຄານການຄ້າຕ່າງປະເທດລາວ ແລະກາຍເປັນທະນາຄານການຄ້າທີ່ມີຊັບສິນຫຼາຍກວ່າໝູ່ຢູ່ລາວ.
ຂ່າວແຈ້ງວ່າ, ນັບແຕ່ເລີ່ມເປີດບໍລິການເມື່ອວັນທີ 28 ພະຈິກ ປີ 2011 ເປັນຕົ້ນມາ, ICBC ສາຂານະຄອນຫຼວງວຽງຈັນໄດ້ພະຍາຍາມຊຸກຍູ້ການພັດທະນາວຽກງານຢູ່ລາວ, ສົ່ງເສີມການປ່ອຍສິນເຊື່ອໃຫ້ຫຼາຍຂຶ້ນ ແລະ ໄດ້ປະກອບສ່ວນເພື່ອຊຸກຍູ້ການພັດທະນາເສດຖະກິດລາວ ແລະ ການຮ່ວມມືດ້ານເສດຖະກິດການຄ້າແລະການລົງທຶນລະຫວ່າງຈີນ-ລາວ.
ເຈົ້າໜ້າທີ່ ICBC ສາຂານະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວວ່າ: ທະນາຄານຕົນໄດ້ຕອບສະໜອງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ຢ່າງຕັ້ງໜ້າ ແລະຖືເປັນໂອກາດສຳຄັນສຳລັບການພັດທະນາໃນອະນາຄົດ ໂດຍຈະສືບຕໍ່ຊຸກຍູ້ຍຸດທະສາດການດຳເນີນທຸລະກິດຢູ່ລາວ, ພະຍາຍາມອຳນວຍການບໍລິການດ້ານການເງິນທີ່ມີຄຸນນະພາບ ແລະມີປະສິດທິພາບໃຫ້ແກ່ລູກຄ້າ ແລະເສີມຂະຫຍາຍບົດບາດເປັນຂົວຕໍ່ໃນການຮ່ວມມືແລະແລກປ່ຽນລະຫວ່າງຈີນ-ລາວ ພ້ອມທັງຊຸກຍູ້ການຮ່ວມມືດ້ານເສດຖະກິດການຄ້າແລະການທະນາຄານລະຫວ່າງສອງປະເທດໃຫ້ກ້າວຂຶ້ນສູ່ລະດັບໃໝ່.
