ສຳນັກພິມຈຳໜ່າຍປຶ້ມການຄ້າຈີນໄດ້ພິມຈຳໜ່າຍແລະນຳສະເໜີ "ວັດຈະນານຸກົມພາສາຈີນທົ່ວໂລກ"ເປັນຄັ້ງທຳອິດຢູ່ນະຄອນຫຼວງປັກກິ່ງໃນວັນທີ 26 ສິງຫານີ້ໂດຍສຳນັກພິມດັ່ງກ່າວໄດ້ມອບສິດໃຫ້ກຸ່ມບໍລິສັດMarshall Cavendish Educationສິງກະໂປພິມຈຳໜ່າຍວັດຈະນານຸກົມດັ່ງກ່າວເປັນສະບັບພາສາຈີນແບບງ່າຍຢູ່ເຂດອາຊີຕາເວັນອອກສຽງໃຕ້, ອັງກິດ,ອາເມລິກາແລະແຫ່ງອື່ນໆ.
ວັດຈະນານຸກົມດັ່ງກ່າວໄດ້ເຕົ້າໂຮມຊ່ຽວຊານຫຼາຍຂົງເຂດເຊັ່ນວິທະຍາໄວຍາກອນ, ວິທະຍາຄຳສັບແລະວິທະຍາວັດຈະນານຸກົມລວມທັງອາໄສໜ່ວຍຮຽບຮຽງ 10 ກວ່າໜ່ວຍຮ່ວມເປັນທີມງານເກືອບ 100 ຄົນຈາກແຫ່ງຕ່າງໆໃນໂລກໂດຍໃຊ້ເວລາ 6 ປີຈິ່ງຮຽບຮຽງສຳເລັດ ເຊິ່ງໄດ້ລະບຸຄຳສັບທົ່ວໄປແລະສັບພິເສດຂອງພາສາຈີນ 88000 ກວ່າຂໍ້ເຊິ່ງປົກຄຸມແຜ່ນດິນໃຫຍ່ຈີນ, ຮົງກົງ,ມາກາວຈີນ, ໄຕ້ຫວັນຈີນ, ສິງກະໂປ, ມາເລເຊຍ, ອິນໂດເນເຊຍ, ຟີລິບປິນ,ໄທ, ລາວ, ກຳປູເຈຍ, ມຽນມາ, ອິນເດຍ, ຍີ່ປຸ່ນ, ປະເທດແລະເຂດແຄວ້ນເອີຣົບແລະອາເມລິກາເໜືອ. ນອກນີ້ຍັງໄດ້ສ່ອງແສງໃຫ້ເຫັນເຖິງຄຳສັບສຳນວນພາສາຈີນທີ່ຫຼາຍສີສັນແລະອຸດົມສົມບູນ ທັງໄດ້ພັນລະນາເຖິງການນຳໃຊ້ພາສາຈີນໃນຂອບເຂດທົ່ວໂລກອີກດ້ວຍ.