ເມື່ອມໍ່ໆນີ້, ທ່ານເສິນສ້ຽວຕຸ່ງ ເອກອັກຄະລັດຖະທູດຈີນປະຈຳສິງກະໂປໄດ້ພົບປະກັບທ່ານນາງຕັນຊິ້ງຢີ ເລຂາທິການປະຈຳກະຊວງການເງິນແລະຫ້ອງວ່າການນາຍົກລັດຖະມົນຕີສິງກະໂປ ທັງເປັນຜູ້ປະສານງານG20ຂອງສິງກະໂປໂດຍສອງຝ່າຍໄດ້ແລກປ່ຽນຄວາມຄິດເຫັນກ່ຽວກັບວຽກງານກະກຽມຂອງກອງປະຊຸມສຸດຍອດ G20 ທີ່ຈະໄຂຂຶ້ນຢູ່ເມືອງຫັງໂຈ່ວ ສປ ຈີນໃນໄວໆນີ້.
ທ່ານເອກອັກຄະລັດຖະທູດເສິນສ້ຽວຕຸ່ງກ່າວວ່າ: ຈີນຫວັງຢ່າງຍິ່ງວ່າ:ທ່ານລີຊຽນລົງ ນາຍົກລັດຖະມົນຕີສິງກະໂປຈະນຳພາຄະນະເຂົ້າຮ່ວມກອງປະຊຸມສຸດຍອດ G20 ຫັງໂຈ່ວ ທັງຍິນດີພະຍາຍາມຮ່ວມກັບສິງກະໂປເພື່ອຮັບປະກັນໃຫ້ກອງປະຊຸມສຸດຍອດປະສົບຜົນສຳເລັດອັນຈົບງາມ.
ທ່ານນາງຕັນຊິ້ງຢີສະແດງຄວາມຂອບໃຈຈີນທີ່ໄດ້ເຊີນສິງກະໂປເຂົ້າຮ່ວມກອງປະຊຸມສຸດຍອດ G20ຫັງໂຈ່ວໃນຖານະເປັນປະເທດແຂກຜູ້ມີກຽດທັງຢືນຢັນວ່າວຽກງານຕ່າງໆໃນການກະກຽມກອງປະຊຸມສຸດຍອດ G20 ຫັງໂຈ່ວມີຄວາມລະອຽດຮອບຄອບແລະມີປະສິດທິພາບສູງ ເຊິ່ງໄດ້ສ້າງຄວາມປະທັບໃຈອັນເລິກເຊິ່ງໃຫ້ແກ່ສິງກະໂປ. ສິງກະໂປຍິນດີຮັກສາການພົວພັນປະສານງານກັບຈີນໃນດ້ານນີ້ແລະພະຍາຍາມຈົນສຸດຄວາມສາມາດເພື່ອສະໜັບສະໜູນຈີນຈັດກອງປະຊຸມສຸດຍອດຫັງໂຈ່ວໃຫ້ປະສົບຜົນສຳເລັດ.
