ກອງປະຊຸມສຸດຍອດຂອງກຸ່ມ G20 ຄັ້ງທີ 11 ຈະຈັດຂຶ້ນຢູ່ຮາງໂຈ່ວ ເມືອງພາກໃຕ້ສປຈີນໃນໄວໆນີ້ ແຕ່ກ່ອນຈະໄຂກອງປະຊຸມດັ່ງກ່າວ, ທ່ານ ອັນດຣີ ເດນີຊົຟ ເອກອັກຄະລັດຖະທູດຣັດເຊຍປະຈຳຈີນໄດ້ໃຫ້ສຳພາດຕໍ່ສື່ມວນຊົນຈີນດ້ວຍລາຍລັກອັກສອນ.
ທ່ານ ເດນີຊົຟ ຊີ້ໃຫ້ເຫັນວ່າ, ການປະສານງານກັນພາຍໃຕ້ຂອບກຸ່ມ G20 ແມ່ນຂອດສຳຄັນຂອງສາຍພົວພັນຄູ່ປະສານງານຍຸດທະສາດຮອບດ້ານລະຫວ່າງຣັດເຊຍ-ຈີນ ເຊິ່ງສອງປະເທດພວມເສີມຂະຫຍາຍບົດບາດນັບມື້ສຳຄັນໃນວຽກງານສາກົນ ທັງນີ້ໄດ້ສ້າງປະຖົມປັດໄຈໃຫ້ແກ່ການສ້າງອົງປະກອບເສດຖະກິດທີ່ສົມເຫດສົມຜົນກວ່າເກົ່າ. ແນວໃດກໍດີ, ຣັດເຊຍແລະຈີນໄດ້ຮ່ວມກັນເຮັດວຽກຢ່າງຫຼວງຫຼາຍ ແລະໄດ້ມີຂໍ້ສະເໜີຫຼາຍຂໍ້ໃຫ້ແກ່ການຊຸກຍູ້ການແກ້ໄຂບັນຫາທີ່ປະຊາຄົມໂລກຜະເຊີນ.
ນອກນີ້, ທ່ານ ເດນີຊົຟ ຍັງຍົກໃຫ້ເຫັນວ່າ, ຍ້ອນການປາບປາມລັດທິກໍ່ການຮ້າຍ, ລັດທິຫົວຈັດ ແລະບັນຫາສະຖານະການພາກພື້ນບໍ່ສະຫງົບເປັນຕົ້ນ ກໍບໍ່ເຄີຍເປັນບັນຫາຮີບດ່ວນຄືດັ່ງປັດຈຸບັນ, ສະນັ້ນ ກອງປະຊຸມສຸດຍອດຮາງໂຈ່ວຍັງຈະພິຈາລະນາບັນຫາຄວາມໝັ້ນຄົງຂອງໂລກນຳອີກ.
 |
