ສະຫະພາບເອີຣົບຫວັງກອງປະຊຸມສຸດຍອດກຸ່ມ G 20 ຫັງໂຈ່ວກາຍເປັນຂີດໝາຍປະຫວັດສາດໃນການເພີ່ມທະວີການຟື້ນຕົວຂອງເສດຖະກິດໂລກ

ວັນທີ 30 ສິງຫານີ້, ທ່ານ ໂດນັດ ຕຸສ໌ກ໌ ປະທານຄະນະມົນຕີເອີຣົບ ແລະ ທ່ານ ເຈັນ ຄລາວດ໌ ຈຸນເກີ ປະທານຄະນະກຳມາທິການສະຫະພາບເອີຣົບໄດ້ຮ່ວມກັນລົງນາມແລະສົ່ງຈົດໝາຍເຖິງຜູ້ນຳບັນດາປະເທດສະມາຊິກສະຫະພາບເອີຣົບ ທັງກ່າວວ່າມີຄວາມຫວັງໃນການປຶກສາຫາລືກັບຄູ່ຮ່ວມມືຂອງກຸ່ມ G 20 ໃນກອງປະຊຸມສຸດຍອດຫັງໂຈ່ວຕໍ່ການຮັບມືກັບສິ່ງທ້າທາຍທີ່ສຳຄັນແລະໃຫຍ່ຫຼວງຂອງທົ່ວປະເທດ ເພື່ອໃຫ້ກອງປະຊຸມສຸດຍອດກາຍເປັນຂີດໝາຍປະຫວັດສາດທີ່ສຳຄັນໃນການເພີ່ມທະວີການຟື້ນຕົວຂອງເສດຖະກິດໂລກ.

ທ່ານ ຕຸສ໌ກ໌ ແລະ ທ່ານ ຈຸນເກີ ລະບຸໃນຈົດໝາຍວ່າ: ໃນກອງປະຊຸມ, ສະຫະພາບເອີຣົບຈະຮຽກຮ້ອງໃຫ້ກຸ່ມ G 20 ສືບຕໍ່ສະໜັບສະໜູນຄວາມພະຍາຍາມຮ່ວມຂອງໂລກໃນການຮັບມືກັບວິກິດການຊາວອົບພະຍົບ ພ້ອມທັງຊຸກຍູ້ກອງປະຊຸມລະດັບສູງຂອງສະຫະປະຊາຊາດເພື່ອຮັບມືກັບບັນຫາຊາວອົບພະຍົບແລະຜູ້ຍົກຍ້າຍເຄື່ອນທີ່ຂະໜາດໃຫຍ່ທີ່ຈະຈັດຂຶ້ນໃນວັນທີ 19 ກັນຍາປີນີ້ໃຫ້ໄດ້ຮັບໝາກຜົນ ທັງຮຽກຮ້ອງໃຫ້ເລັ່ງລັດວາງແຜນການເຄື່ອນໄຫວຫັງໂຈ່ວ,ວາງແຜນການຊຸກຍູ້ການເຕີບໂຕຂອງເສດຖະກິດໂລກ ທັງຮຽກຮ້ອງໃຫ້ປະເທດແລະເຂດແຄວ້ນທັງໝົດຈັດຕັ້ງປະຕິບັດຂໍ້ກຳນົດທີ່ກ່ຽວຂ້ອງຂອງອົງການຮ່ວມມືແລະການພັດທະນາເສດຖະກິດໃນການປາບປາມການລັກລອບໜີພາສີແລະການຫຼີກເວັ້ນພາສີ,ຊຸກຍູ້ພາສີອາກອນສາກົນໃຫ້ມີຄວາມໂປ່ງໃສແລະສະກັດກັ້ນການລະດົມທຶນແບບລັດທິກໍ່ການຮ້າຍ.