ວັນທີ 30 ສິງຫານີ້, ທ່ານ ຝຣັ່ງຊົວ ອໍລອງ ປະທານາທິບໍດີຝຣັ່ງກ່າວວ່າ: ກອງປະຊຸມສຸດຍອດຜູ້ນຳກຸ່ມ 20 ປະເທດຫຼື G20 ຄັ້ງທີ 11 ທີ່ຈະຈັດຂຶ້ນຢູ່ເມືອງຫັງໂຈ່ວແຂວງເຈີ້ຈ່ຽງຈີນໄດ້ຢັ້ງຢືນອີກຄັ້ງໃໝ່ສາຍພົວພັນລະຫວ່າງຝຣັ່ງ-ຈີນມີຄວາມໃກ້ຊິດ.
ໃນມື້ດັ່ງກ່າວ, ທ່ານ ຝຣັ່ງຊົວ ອໍລອງ ກ່າວຕໍ່ຜູ້ຕາງໜ້າຄະນະທູຕານຸທູດການຕ່າງປະເທດຂອງບັນດາປະເທດປະຈຳຝຣັ່ງວ່າ: ໃນຊຸມປີຜ່ານມາ, ຝຣັ່ງແລະຈີນໄດ້ເພີ່ມທະວີການຮ່ວມມືທາງຍຸດທະສາດຢ່າງຮອບດ້ານ ໂດຍສະເພາະໄດ້ເພີ່ມພະລັງແຮງຢ່າງຫຼວງຫຼາຍໃນຫຼາຍຂົງເຂດເຊັ່ນ: ພະລັງງານນິວເຄລຍທີ່ໃຊ້ໃນທາງພົນລະເຮືອນ, ພື້ນຖານໂຄງລ່າງ, ການພັດທະນາຕົວເມືອງກໍຄືການເຕີບໂຕແບບສີຂຽວເປັນຕົ້ນ.
ທ່ານ ອໍລອງ ກ່າວເນັ້ນວ່າ: ການຮັບມືກັບການປ່ຽນແປງຂອງດິນຟ້າອາກາດກໍແມ່ນສິ່ງສຳຄັນທີ່ສະແດງໃຫ້ເຫັນເຖິງສາຍພົວພັນທີ່ມີຄວາມໃກ້ຊິດລະຫວ່າງສອງປະເທດ.
 |
