ວັນທີ 30 ສິງຫານີ້ຢູ່ນະຄອນຫຼວງມົສກູປະເທດຣັດເຊຍ, ທ່ານ ດິມິຕຣິ ເປສໂກຟ ເລຂາທິການຖະແຫຼງຂ່າວຂອງປະທານາທິບໍດີຣັດເຊຍໄດ້ກ່າວວ່າ, ທ່ານ ວຼາດີເມຍ ປູຕິນ ປະທານາທິບໍດີຣັດເຊຍຈະພົບປະກັບການນຳຂອງກຸ່ມ 20 ປະເທດ ຫຼື G20 ລວມທັງທ່ານ ບາຣັກ ໂອບາມາ ປະທານາທິບໍດີອາເມລິກາໃນໄລຍະກອງປະຊຸມສຸດຍອດ G20 ຄັ້ງທີ 11.
ທ່ານ ເປສໂກຟ ກ່າວວ່າ: ແນວໃດກໍດີ, ເຖິງວ່າປະທານາທິບໍດີຣັດເຊຍ-ອາເມລິກາຈະພົບປະກັນໃນກອງປະຊຸມດັ່ງກ່າວ, ແຕ່ຈະພົບປະສອງຝ່າຍຫຼືບໍ່ຂຶ້ນກັບການນຳສອງປະເທດເທົ່ານັ້ນ.
ນອກນີ້, ທ່ານ ຢຸຣີ ອຸຊາໂກຟ ຜູ້ຊ່ວຍປະທານາບໍດີຣັດເຊຍເປີດເຜີຍໃນມື້ດຽວກັນວ່າ: ໃນໄລຍະຈັດກອງປະຊຸມດັ່ງກ່າວ, ທ່ານ ປູຕິນ ຍັງຈະພົບປະກັບທ່ານ ຟຣັງຊົວ ໂອລອງ ປະທານາທິບໍດີຝຣັ່ງ, ທ່ານນາງ ອັນເຈີລາ ເມີແຄວ ນາຍົກລັດຖະມົນຕີເຢຍລະມັນແລະທ່ານ ເຣເຢບທາຍຢິບ ແອໂດກັນ ປະທານາທິບໍດີຕວກກີ.
 |
