ທ່ານນາງ ຮວ້າຊຸ່ນຢິງ ໂຄສົກກະຊວງການຕ່າງປະເທດຈີນ ປະກາດໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 30 ສິງຫານີ້ວ່າ, ໂດຍຕອບສະໜອງຕາມຄຳເຊີນຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ສປປ ລາວ ທີ່ເປັນປະເທດປະທານໝູນວຽນຂອງອາຊຽນ, ທ່ານ ຫຼີເຄີ້ສຽງ ນາຍົກລັດຖະມົນຕີ ຈີນຈະເຂົ້າຮ່ວມກອງປະຊຸມຜູ້ນຳຈີນ-ອາຊຽນ ຫຼື 10+1 ຄັ້ງທີ 19, ກອງປະຊຸມສຸດຍອດລະນຶກການສ້າງສາຍພົວພັນຄູ່ເຈລະຈາຈີນ-ອາຊຽນຄົບຮອບ 25 ປີ, ກອງປະຊຸມສຸດຍອດອາຊຽນຄັ້ງທີ 19, ກອງປະຊຸມຜູ້ນຳອາຊຽນກັບຈີນ, ຍີ່ປຸ່ນ ແລະສ.ເກົາຫຼີ ຫຼື 10+3 ແລະກອງປະຊຸມສຸດຍອດອາຊີຕາເວັນອອກຄັ້ງທີ 11.
ທ່ານນາງ ຮວ້າຊຸ່ນຢິງ ກ່າວຕື່ມວ່າ, ທ່ານ ຫຼີເຄີ້ສຽງ ຍັງຈະຢ້ຽມຢາມລາວຢ່າງເປັນທາງການ ໂດຍຈະພົບປະໂອ້ລົມກັບທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະພົບປະກັບຜູ້ນຳລາວທ່ານອື່ນໆ ເພື່ອແລກປ່ຽນຄວາມຄິດຄວາມເຫັນກ່ຽວກັບສາຍພົວພັນສອງຝ່າຍແລະບັນຫາທີ່ສົນໃຈຮ່ວມກັນ. ນອກນີ້, ສອງຝ່າຍຍັງຈະລົງນາມໃນເອກະສານຮ່ວມມືໃນຂົງເຂດທີ່ກ່ຽວຂ້ອງ.
 |
