ກອງປະຊຸມຜູ້ປະສານງານຂອງກອງປະຊຸມສຸດຍອດກຸ່ມ 20 ປະເທດປີ 2016 ຄັ້ງທີ 4 ຈັດຂຶ້ນຢູ່ເມືອງຫັງໂຈ່ວແຂວງເຈີ້ຈ່ຽງຈີນ
ກອງປະຊຸມຜູ້ປະສານງານຂອງກອງປະຊຸມສຸດຍອດກຸ່ມ 20 ປະເທດປີ 2016 ຄັ້ງທີ 4 ໄດ້ຈັດຂຶ້ນຢູ່ເມືອງຫັງໂຈ່ວແຂວງເຈີ້ຈ່ຽງຈີນໃນວັນທີ 1 ກັນຍານີ້. ນີ້ແມ່ນກອງປະຊຸມຜູ້ປະສານງານຄັ້ງສຸດທ້າຍກ່ອນຈັດກອງປະຊຸມສຸດຍອດຫັງໂຈ່ວ G20 ໂດຍໜ້າທີ່ຕົ້ນຕໍແມ່ນທຳການກະກຽມການເມືອງໃນສຸດທ້າຍໃຫ້ແກ່ກອງປະຊຸມ ໂດຍສະເພາະແມ່ນດຳເນີນການປຶກສາຫາລືແຈ້ງການຂອງຜູ້ນຳ ເຊິ່ງເປັນຜົນງານການເມືອງທີ່ສຳຄັນທີ່ສຸດຂອງກອງປະຊຸມ ພ້ອມທັງຍື່ນໃຫ້ກອງປະຊຸມຫຼັງຈາກບັນດາຝ່າຍໄດ້ບັນລຸຄວາມເປັນເອກະພາບແລ້ວ. ກອງປະຊຸມຄັ້ງນີ້ມີຄວາມໝາຍສຳຄັນອັນເປັນພິເສດຕໍ່ການໄດ້ຮັບຜົນສຳເລັດຂອງກອງປະຊຸມ. ທ່ານ ຫຼີປາວຕຸ່ງ ຜູ້ປະສານງານດ້ານວຽກງານຂອງກອງປະຊຸມ G20 ຂອງຈີນ ຮອງລັດຖະມົນຕີກະຊວງການຕ່າງປະເທດຈີນໄດ້ເປັນປະທານຂອງກອງປະຊຸມ ໂດຍຜູ້ປະສານງານຂອງສະມາຊິກກຸ່ມ G20, ບັນດາປະເທດກິຕິມະສັກແລະອົງການຈັດຕັ້ງສາກົນເຂົ້າຮ່ວມ.
