ຕາມຂ່າວCRI: ຕອນບ່າຍວັນທີ 1 ກັນຍານີ້, ຢູ່ຫັງໂຈ່ວໄດ້ຈັດກອງປະຊຸມຂ່າວຂອງສູນຂ່າວກອງປະຊຸມ G20 ຮອບທຳອິດ. ທ່ານ ຈ່ຽງເຈິ່ງເຫວີຍ ປະທານກອງປະຊຸມ G20 ຄັ້ງນີ້, ປະທານສະມາຄົມສົ່ງເສີມການຄ້າຈີນໄດ້ແນະນຳໃຫ້ຮູ້ສະພາບວຽກງານແລະສະພາບກະກຽມໂດຍລວມຂອງກອງປະຊຸມ. ທ່ານກ່າວວ່າ: ກອງປະຊຸມສຸດຍອດຄັ້ງນີ້ມີລະດັບສູງ,ຂະໜາດໃຫຍ່ແລະມີກິດຈະກຳຫຼາຍ, ພິທີໄຂກອງປະຊຸມຈະເຊື້ອເຊີນທ່ານ ສີຈິ້ນຜິງ ປະທານປະເທດຈີນເຂົ້າຮ່ວມ ພ້ອມທັງກ່າວປາຖະກະຖາ. ນອກຈາກພິທີໄຂກອງປະຊຸມແລ້ວ, ຍັງລວມທັງການເຜີຍແຜ່ "ບົດລາຍງານຂໍ້ສະໜີນະໂຍບາຍ G20 2016", ການຄົ້ນຄວ້າປຶກສາຫາລືຫົວຂໍ້ສະເພາະ, ກອງປະຊຸມສະເພາະຄົບຊຸດ G20, ພິທີອັດປະຊຸມແລະອື່ນໆ, ປັດຈຸບັນວຽກງານຕ່າງໆໄດ້ກຽມພ້ອມແລ້ວ.
