ຢູ່ໃນກອງປະຊຸມຖະແຫຼງຂ່າວຂອງສູນຂ່າວ G20 ທີ່ຈັດຂຶ້ນໃນວັນທີ 1 ກັນຍານີ້, ທ່ານຢີ້ກ່າງ ຮອງຜູ້ວ່າການທະນາຄານປະຊາຊົນຈີນຢືນຢັນວ່າ ປີນີ້, G20 ຈະປຶກສາຫາລືບັນຫາການເງິນສີຂຽວເປັນເທື່ອທຳອິດໂດຍໄດ້ສ້າງຕັ້ງໜ່ວຍຄົ້ນຄວ້າການເງິນສີຂຽວ. ນັກວິເຄາະເຫັນວ່າ: ການປະດິດສ້າງໃໝ່ທີ່ສຳຄັນດັ່ງກ່າວນີ້ໄດ້ເຕົ້າໂຮມສະຕິປັນຍາຂອງຈີນເຊິ່ງຈະສະໜັບສະໜູນທົ່ວໂລກເລັ່ງພັດທະນາເສດຖະກິດສີຂຽວກາກບອນຕ່ຳ.
ທ່ານຢີ້ກ່າງເປີດເຜີຍວ່າ: ປັດຈຸບັນ, ໄດ້ສຳເລັດການຂຽນບົດລາຍງານສັງລວມການເງິນສີຂຽວ G20 ແລ້ວໂດຍໄດ້ກຳນົດຢ່າງຈະແຈ້ງເຖິງນິຍາມ, ຈຸດປະສົງແລະຂອບເຂດພ້ອມດ້ວຍສິ່ງທ້າທາຍທີ່ຈະຜະເຊີນ ທັງໄດ້ປະກອບຂໍ້ສະເໜີທີ່ດີສຳລັບບັນດາປະເທດພັດທະນາການເງິນສີຂຽວແລະສະໜັບສະໜູນເສດຖະກິດໂລກຫັນປ່ຽນຮູບແບບການພັດທະນາໃຫ້ເປັນເສດຖະກິດສີຂຽວແລະກາກບອນຕ່ຳ.
ນັກວິເຄາະຊີ້ໃຫ້ເຫັນວ່າ: ໃນສະພາບປັດຈຸບັນ, ການບັນຈຸເອົາການເງິນສີຂຽວເຂົ້າເປັນບັນຫາທີ່ຈະປຶກສາຫາລືໃນກອງປະຊຸມສຸດຍອດ G20ນັ້ນໄດ້ເນັ້ນໃຫ້ເຫັນເຖິງບົດບາດນຳໜ້າແລະຊຸກຍູ້ຂອງຈີນໃນຖານະເປັນປະເທດປະທານ G20. ຂະນະດຽວກັນ, ຈີນກໍໄດ້ປະຕິບັດຕົວຈິງເພື່ອເປັນຜູ້ນຳໜ້າພັດທະນາການເງິນສີຂຽວໃນໂລກ.
 |
