ກອງປະຊຸມສຸດຍອດກຸ່ມ 20 ປະເທດຫຼື G20 ຫັງໂຈ່ວເປັນກອງປະຊຸມສຸດຍອດສາກົນທີ່ມີລະດັບສູງທີ່ສຸດແລະມີຜົນສະທ້ອນຢ່າງເລິກເຊິ່ງແລະຍາວໄກທີ່ສຸດໂດຍຈີນເປັນເຈົ້າພາບຈັດຂຶ້ນແລະໃນຖານະເປັນຜູ້ນຳປະເທດເຈົ້າພາບຈັດກອງປະຊຸມ, ພາລະກິດສຳຄັນທີ່ທ່ານ ສີຈິ້ນຜິງ ປະທານປະເທດຈີນເຂົ້າຮ່ວມໃນໄລຍະກອງປະຊຸມຈະມີຫຼາຍກວ່າ 10 ຮອບ.
ກ່ອນຈັດກອງປະຊຸມສຸດຍອດ, ກອງປະຊຸມສຸດຍອດອຸດສາຫະກຳການຄ້າກຸ່ມ G20 ຫຼື B20 ຈະຈັດຂຶ້ນແຕ່ວັນທີ 3 ຫາວັນທີ 4 ກັນຍານີ້, ທ່ານ ສີຈິ້ນຜິງ ປະທານປະເທດຈີນຈະເຂົ້າຮ່ວມແລະກ່າວປາໄສທີ່ສຳຄັນໃນພິທີໄຂ. ກອງປະຊຸມສຸດຍອດໃນວັນທີ 4 ຫາວັນທີ 5 ກັນຍານີ້, ທ່ານ ສີຈິ້ນຜິງ ຈະເປັນປະທານພິທີຕ້ອນຮັບ,ພິທີໄຂກອງປະຊຸມ, ກອງປະຊຸມ 5 ໄລຍະ,ພິທີອັດກອງປະຊຸມແລະພາລະກິດອື່ນໆ 10 ກວ່າຮອບ. ຫຼັງຈາກກອງປະຊຸມ, ທ່ານ ສີຈິ້ນຜິງ ຈະເຂົ້າຮ່ວມກອງປະຊຸມຖະແຫຼງຂ່າວ ແຈ້ງໃຫ້ນັກຂ່າວຈີນແລະຕ່າງປະເທດຮູ້ໝາກຜົນຂອງກອງປະຊຸມສຸດຍອດແລະບັນຍາກາດກອງປະຊຸມ.
ນອກຈາກສອງກອງປະຊຸມສຸດຍອດດັ່ງກ່າວແລ້ວ, ຜູ້ນຳປະເທດບຣິກສ໌ຈະດຳເນີນການພົບປະບໍ່ເປັນທາງການໃນໄລຍະກອງປະຊຸມສຸດຍອດ ໂດຍທ່ານ ສີຈິ້ນຜິງ ຈະເຂົ້າຮ່ວມການພົບປະເຈລະຈາພ້ອມທັງກ່າວປາໄສທີ່ສຳຄັນ. ນອກນີ້, ທ່ານ ສີຈິ້ນຜິງ ຍັງຈະພົບປະກັບຜູ້ນຳຕ່າງປະເທດທີ່ເຂົ້າຮ່ວມກອງປະຊຸມ.
 |
