ກຸ່ມ B20 ມີຄວາມຄອງຄອຍຕໍ່ກຸ່ມ G201,ກຸ່ມ G20 ຄວນສະແດງໃຫ້ເຫັນກຳລັງນຳພາທີ່ເຂັ້ມແຂງຂອງຕົນເພື່ອເພີ່ມຄວາມໝັ້ນໃຈແລະຊຸກຍູ້ການພັດທະນາຂອງເສດຖະກິດໂລກ.2, ບັນດາປະເທດສະມາຊິກຂອງກຸ່ມ G20 ຄວນຈັດຕັ້ງປະຕິບັດຄຳໝັ້ນສັນຍາຂອງຕົນຢ່າງຕັ້ງໜ້າ ພ້ອມທັງວາງມາດຕະການໃໝ່ເພື່ອສະໜັບສະໜູນການເຕີບໂຕ.3, ນະໂຍບາຍທີ່ກຸ່ມ B20 ສະເໜີອອກມານັ້ນຕິດແທດຕົວຈິງ,ລະອຽດແລະມີຄວາມເປັນໄປໄດ້.4, ການເຄື່ອນໄຫວຂອງບັນດາປະເທດສະມາຊິກກຸ່ມ G20 ມີຄວາມສຳຄັນຫຼາຍທີ່ສຸດ.ໂດຍປິ່ນອ້ອມວິໄສທັດຫົວຂໍ້ຕົ້ນຕໍຂອງກຸ່ມ G20 ໃນປີ 2016, ກຸ່ມ B20 ໄດ້ໃຫ້ຂໍ້ສະເໜີດ້ານນະໂຍບາຍ 20 ຂໍ້ຕໍ່ກຸ່ມ G20 ຄືດັ່ງລຸ່ມນີ້:
ໃນດ້ານການປະດິດສ້າງໃໝ່ຮູບການການເຕີບໂຕຂອງເສດຖະກິດໂລກ:1, ປະຕິບັດຂໍ້ລິເລີ່ມການປະດິດສ້າງໃໝ່ສະມາດ(SMART) ແລະໂຄງການອື່ນໆ, ສົ່ງເສີມການສ້າງພາລະກິດແລະການປະດິດສ້າງໃໝ່.2, ເພີ່ມທະວີການສຳຮອງໂຄງການທີ່ມີຄຸນນະພາບສູງແລະມີຄວາມສາມາດສູງດ້ານການລະດົມທຶນ, ຊຸກຍູ້ການປະດິດສ້າງໃໝ່ດ້ານເຄື່ອງມືການເງິນໃນການລົງທຶນຕໍ່ພື້ນຖານໂຄງລ່າງ.3, ເສີມຂະຫຍາຍບົດບາດຂອງທະນາຄານແລະອົງການພັດທະນາຫຼາຍຝ່າຍ, ຊຸກຍູ້ໃຫ້ພາກສ່ວນເອກະຊົນລົງທຶນເຂົ້າໃນພື້ນຖານໂຄງລ່າງ.4, ຊຸກຍູ້ການພັດທະນາຕະຫຼາດລົງທຶນແລະລະດົມທຶນແບບສີຂຽວ.5, ເນື່ອງໃນໂອກາດການປະດິດສ້າງໃໝ່ດ້ານເຕັກນິກດີຈີຕອນ,ພັດທະນາການເງິນທີ່ມີຜົນປະໂຫຍດທົ່ວໄປ.
ໃນດ້ານການຊຸກຍູ້ການຄຸ້ມຄອງການເງິນແລະເສດຖະກິດໂລກໃຫ້ມີປະສິດທິພາບສູງກວ່າ:6, ປັບປຸງລະບົບການຕິດຕາມຄຸ້ມຄອງດ້ານການເງິນຂອງໂລກໃຫ້ດີຂຶ້ນ,ໜູນຊ່ວຍການເຕີບໂຕຂອງເສດຖະກິດ.7, ຊຸກຍູ້ການລະດົມທຶນຂອງວິສາຫະກິດຂະໜາດກາງແລະນ້ອຍ,ເປີດກວ້າງຊ່ອງທາງແຫ່ງການລະດົມທຶນ.8, ເພີ່ມທະວີການປະສານສົມທົບດ້ານນະໂຍບາຍພາສີອາກອນສາກົນ, ສະໜັບສະໜູນການລະດົມທຶນດ້ວຍຮູບການໜີ້ສິນແລະການລົງທຶນດ້ວຍສິດຖືຫຸ້ນ,ບັນລຸການເຕີບໂຕທີ່ມີລັກສະນະກວມລວມ.9, ເພີ່ມທະວີການຮ່ວມມືຕ້ານການສໍ້ລາດບັງຫຼວງສາກົນ,ເພີ່ມທະວີການສ້າງຄວາມສາມາດທີ່ສອດຄ່ອງກັບມາດຖານ.10, ຍົກລະດັບຄວາມປອດໄພຂອງສະພາບແວດລ້ອມການຄ້າ, ສະໜັບສະໜູນການແຂ່ງຂັນແບບມີຄວາມຍຸດຕິທຳ.
ດ້ານການບັນລຸການຄ້າ-ການລົງທຶນສາກົນທີ່ເຂັ້ມແຂງ, B20 ມີຂໍ້ສະເໜີດັ່ງນີ້: 11. ປັບປຸງກົນໄກການຄ້າຫຼາຍຝ່າຍ, ຄັດຄ້ານແລະສະກັດກັ້ນລັດທິປົກປ້ອງການຄ້າ ເພື່ອບັນລຸການເຕີບໂຕຂອງການຄ້າ. 12. ຊຸກຍູ້ການອະນຸມັດສັນຍາອຳນວຍຄວາມສະດວກດ້ານການຄ້າ ຫຼື TFA ກ່ອນທ້າຍປີ 2016 ແລະໃຫ້ຄຳໝັ້ນສັນຍາຈັດຕັ້ງປະຕິບັດສັນຍາດັ່ງກ່າວໂດຍໄວ. 13. ສະໜັບສະໜູນຂໍ້ລິເລີ່ມເວທີການຄ້າເອເລັກໂຕຣນິກໂລກ ຫຼື eWTP, ສ້າງ ກົດລະບຽບການຄ້າເອເລັກໂຕຣນິກຂ້າມຊາດ ເພື່ອຊຸກຍູ້ການພັດທະນາການຄ້າເອເລັກໂຕຣນິກ. 14. ພັດທະນາໂຄງການສ້າງຄວາມສາມາດແລະໂຄງການຢືນຢັນມາດຕະຖານເພື່ອຊຸກຍູ້ວິສາຫະກິດຂະໜາດນ້ອຍແລະກາງເຊື່ອມໂຍງເຂົ້າໃນຕ່ອງໂສ້ມູນຄ່າຂອງໂລກ. 15. ຍົກລະດັບສະພາບແວດລ້ອມນະໂຍບາຍການລົງທຶນສາກົນເພື່ອຊຸກຍູ້ການເຕີບໂຕດ້ານການລົງທຶນ.
ດ້ານການຊຸກຍູ້ການພັດທະນາແບບກວມລວມແລະເຊື່ອມຕໍ່ກັນ, B20 ມີຂໍ້ສະເໜີດັ່ງນີ້: 16.ລົບລ້າງອຸປະສັກດ້ານໂຄງປະກອບ, ປະຕິບັດມາດຕະການທີ່ກ່ຽວຂ້ອງເພື່ອຍົກສູງອັດຕາປະກອບອາຊີບຂອງຊາວໜຸ່ມແລະເພດຍິງ. 17.ວາງນະໂຍບາຍທີ່ກ່ຽວຂ້ອງເພື່ອຫຼຸດຜ່ອນກໍລະນີການສັບຊ້ອນຊັບພະຍາກອນມະນຸດບໍ່ຖືກກັບວິຊາສະເພາະແລະການຂາດເຂີນຄວາມສາມາດ. 18.ຫຼຸດຜ່ອນຕົ້ນທຶນທີ່ເຮັດໃຫ້ວິສາຫະກິດສອດຄ່ອງກັບມາດຖານ, ເພີ່ມສ່ວນຮ່ວມໃນຕະຫຼາດເກັບຊື້ສາທາລະນະແລະສະໜັບສະໜູນການພັດທະນາວິສາຫະກິດຂະໜາດນ້ອຍແລະກາງ. 19.ນຳໃຊ້ເຕັກນິກປະດິດສ້າງໃໝ່ແລະມາດຕະການຄຸ້ມຄອງບໍລິຫານເພື່ອເພີ່ມຄຸນຄ່າໃຫ້ແກ່ໂຄງການພື້ນຖານໂຄງລ່າງ. 20.ເພີ່ມທະວີການເຊື່ອມໂຍງເຂົ້າກັນດ້ານພື້ນຖານໂຄງລ່າງພາຍໃນປະເທດ, ພາກພື້ນແລະທົ່ວໂລກ.
 |
