ວັນທີ 3 ກັນຍານີ້, ເວັບໄຊຂອງລັດຖະບານເຢຍລະມັນໄດ້ປະກາດວິດີໂອຕອນໜຶ່ງທີ່ທ່ານນາງແອງເຈີລາ ເມີແຄວ ນາຍົກລັດຖະມົນຕີເຢຍລະມັນໃຫ້ສຳພາດຕໍ່ນັກຂ່າວ, ໃນໂອກາດດັ່ງກ່າວ, ທ່ານນາງເມີແຄວກ່າວວ່າ, ຫວັງວ່າຈະດຳເນີນການສົນທະນາສອງຝ່າຍຢ່າງກວ້າງຂວາງກ່ຽວກັບບັນຫາຕ່າງໆທີ່ທົ່ວໂລກຜະເຊີນນັ້ນໃນກອງປະຊຸມສຸດຍອດ G20 ທີ່ຈະຈັດຂຶ້ນຢູ່ເມືອງຫັງໂຈຂອງຈີນ.
ທ່ານນາງເມີແຄວຊີ້ໃຫ້ເຫັນວ່າ, ຜູ້ນຳປະເທດສະມາຊິກຂອງກຸ່ມ 20 ປະເທດເຂົ້າຮ່ວມກອງປະຊຸມສຸດຍອດ G20 ຫັງໂຈ, ສະແດງໃຫ້ເຫັນຄວາມປາດຖະໜາຂອງຝ່າຍຕ່າງໆທີ່ແກ້ໄຂບັນຫາດ້ວຍການຮ່ວມມື, ຕົນຫວັງວ່າຈະສາມາດດຳເນີນການສົນທະນາສອງຝ່າຍໃນໂອກາດກອງປະຊຸມສຸດຍອດຫັງໂຈ, ເພື່ອຊຸກຍູ້ການແກ້ໄຂບັນຫາອູແກຼນ, ບັນຫາຊີຣີແລະວິກິດການຊາວອົບພະຍົບ.
ທ່ານນາງເມີແຄວຍັງກ່າວວ່າ, ເຢຍລະມັນຈະເປັນປະເທດປະທານໝູນວຽນຂອງກຸ່ມ G20 ຊຸດໜ້າ, ແລະຈັດກອງປະຊຸມສຸດຍອດ G20 ຄັ້ງທີ 12; ນອກຈາກບັນຫາຂົງເຂດເສດຖະກິດແລ້ວ, ເຢຍລະມັນຈະສຸມໃສ່ບັນຫາຊົວຍ້າຍຖິ່ນແລະຊາວອົບພະຍົບພາຍຫຼັງເປັນປະເທດປະທານໝູນວຽນ.
 |
