ຕາມຂ່າວ CRI: ວັນທີ 3 ກັນຍານີ້ຢູ່ນະຄອນຊຽງໄຮ, ທ່ານໂຈໂຄ ວິໂດໂດ, ປະທານາທິບໍດີອິນໂດເນເຊຍກ່າວວ່າ, ການພັດທະນາຂະແໜງການທ່ອງທ່ຽວຂອງປະເທດຕົນຕ້ອງເອົາໃຈໃສ່ໃນລະດັບສູງຕໍ່ການເຊື່ອມຈອດກັບຕະຫຼາດຈີນ, ເພື່ອພະຍາຍາມບັນລຸເປົ້າໝາຍທີ່ດຶງດູດນັກທ່ອງທ່ຽວຈີນໄປທ່ຽວອິນໂດເນເຊຍ 10 ລ້ານເທື່ອຄົນຕໍ່ປີໂດຍໄວ.
ທ່ານໂຈໂຄແມ່ນໃຫ້ທັດສະນະດັ່ງກ່າວໃນເວລາເຂົ້າຮ່ວມງານສົນທະນາຊາວອິນໂດເນເຊຍທີ່ອາໄສຢູ່ຈີນ. ທ່ານກ່າວວ່າ, ອິນໂດເນເຊຍມີຊັບພະຍາກອນທ່ອງທ່ຽວອັນອຸດົມສົມບູນ, ຈີນມີຕະຫຼາດທ່ອງທ່ຽວຕ່າງປະເທດອັນໃຫຍ່ຫຼວງ, ໃນໄລຍະທ່ານສີຈິ້ນຜີງ, ປະທານປະເທດຈີນໄປຢ້ຽມຢາມອິນໂດເນເຍເມື່ອປີຜ່ານມານີ້, ສອງຝ່າຍໄດ້ລົງນາມໃນເອກກະສານຮ່ວມມືການທ່ອງທ່ຽວ. ແນວໃດກໍດີອິນໂດເນເຊຍຈະທຳຄວາມພະຍາຍາມຮ່ວມກັບຈີນ, ເພື່ອບັນລຸເປົ້າໝາຍທີ່ດຶງດູດນັກທ່ອງທ່ຽວຈີນໄປທ່ຽວອິນໂດເນເຊຍ 10 ລ້ານເທື່ອຄົນຕໍ່ປີໂດຍໄວ.
 |
