ທ່ານສີຈິ້ນຜິງກ່າວວ່າ: ກອງປະຊຸມສຸດຍອດ G20 ຄັ້ງນີ້ໄດ້ບັນລຸ 3 "ເທື່ອທຳອິດ"ໃນຂົງເຂດການພັດທະນາ
2016-09-05 20:22:56 cri
ຕາມຂ່າວ CRI: ໃນເວລາເຂົ້າຮ່ວມພິທີຖະແຫຼງຂ່າວທີ່ຈັດຂຶ້ນໃນວັນທີ 5 ກັນຍານີ້, ທ່ານສີຈິ້ນຜິງ ປະທານປະເທດຈີນກ່າວວ່າ: ຈີນແມ່ນປະເທດພວມພັດທະນາທີ່ໃຫຍ່ທີ່ສຸດ. ກອງປະຊຸມສຸດຍອດ G20 ເມືອງຫັງໂຈ່ວໄດ້ສະແດງໃຫ້ເຫັນເຖິງແງ່ມຸມມອງພັດທະນາຢ່າງແຈ່ມແຈ້ງ,ແລະໄດ້ຮັບໝາກຜົນດ້ານການພັດທະນາຢ່າງຫຼວງຫຼາຍ. ປີນີ້, ພວກເຮົາໄດ້ບັນລຸ 3 "ເທື່ອທຳອິດ"ໃນຂົງເຂດການພັດທະນາ ຄື: ໄດ້ຈັດເອົາບັນຫາການພັດທະນາໄວ້ຢູ່ຖານະອັນພົ້ນເດັ່ນໃນຂອບນະໂຍບາຍມະຫາພາກທົ່ວໂລກເປັນເທື່ອທຳອິດ；ໄດ້ວາງແຜນປະຕິບັດງານວ່າດ້ວຍວາລະ 2030 ກ່ຽວກັບການພັດທະນາແບບຍືນຍົງຂອງອົງການສະຫະປະຊາຊາດເປັນເທື່ອທຳອິດ,ແລະໄດ້ຮ່ວມກັນສະໜັບສະໜູນການຫັນເປັນອຸດສາຫະກຳຢູ່ອາຟຼິກາແລະປະເທດດ້ອຍພັດທະນາເປັນເທື່ອທຳອິດ. ທັງໝົດເຫຼົ່ານີ້ມີຄວາມໝາຍປະດິດສ້າງອັນສຳຄັນໃນປະຫວັດສາດຂອງ G20.
