ກອງປະຊຸມສຸດຍອດອຸດສາຫະກຳການຄ້າຂອງກຸ່ມ 20 ປະເທດ ຫຼື B20 2016 ໄດ້ອັດລົງຢູ່ເມືອງຫັງໂຈ່ວໃນວັນທີ 4 ກັນຍານີ້. ຂະນະທີ່ທ່ານຈ່ຽງເຈິ່ງເຫວີຍ ປະທານສະມາຄົມສົ່ງເສີມການຄ້າຈີນ, ປະທານກອງປະຊຸມສຸດຍອດ B20 2016 ກ່າວວ່າ: ກອງປະຊຸມສຸດຍອດຄັ້ງນີ້ໄດ້ບັນລຸຂໍ້ຕົກລົງຫຼາຍດ້ານ ແລະ ໄດ້ຮັບໝາກຜົນຢ່າງຫຼວງຫຼາຍ.
ໃນກອງປະຊຸມຄັ້ງນີ້ຍັງໄດ້ເຜີຍແຜ່ "ບົດລາຍງານຂອງ B20 ວ່າດ້ວຍການປະກອບຄຳຄິດຄຳເຫັນຕໍ່ນະໂຍບາຍປີ 2016" ເຊິ່ງໃນບົດລາຍງານນີ້ໄດ້ວາງຂໍ້ສະເໜີ 20 ຂໍ້ ແລະ 76 ມາດຕະການທີ່ລະອຽດ ໂດຍປິ່ນອ້ອມ 6 ຫົວຂໍ້ໃຫຍ່ ຄື ການທະນາຄານຊຸກຍູ້ການເຕີບໂຕ, ການລົງທຶນການຄ້າ, ພື້ນຖານໂຄງລ່າງ, ການພັດທະນາວິສາຫະກິດຂະໜາດກາງແລະນ້ອຍ, ການປະກອບອາຊີບ ແລະ ການຕໍ່ຕ້ານການສໍ້ລາດບັງຫຼວງ ເພື່ອສົ່ງໃຫ້ຜູ້ນຳຂອງປະເທດສະມາຊິກ G20 ຄົ້ນຄວ້າພິຈາລະນາ.
ຂະນະດຽວກັນ, ທ່ານຈ່ຽງເຈິ່ງເຫວີຍ ກໍໄດ້ມອບສິດເປັນເຈົ້າພາບຈັດກອງປະຊຸມສຸດຍອດ B20 ຄັ້ງຕໍ່ໄປໃຫ້ແກ່ທ່ານກຣີໂລ ປະທານສະຫະພັນອຸດສາຫະກຳເຢຍລະມັນ ແລະ ທ່ານບຣາວ ຮອງປະທານສະມາຄົມນາຍຈ້າງເຢຍລະມັນ ໂດຍຈະຈັດຂຶ້ນໃນປີ 2017.
