ທ່ານສີຈິ້ນຜີງກ່າວວ່າ: ກອງປະຊຸມສຸດຍອດ G20 ຫັງໂຈ່ວໄດ້ບັນລຸຂໍ້ຕົກລົງສຳຄັນຢ່າງຫຼວງຫຼາຍ
2016-09-05 19:48:10 cri
ຕາມຂ່າວ CRI: ວັນທີ 5 ສິງຫານີ້ໃນໂອກາດເຂົ້າຮ່ວມພິທີຖະແຫຼງຂ່າວ, ທ່ານສີຈິ້ນຜິງ ປະທານປະເທດຈີນໄດ້ແນະນຳຂໍ້ຕົກລົງຕ່າງໆແລະໝາກຜົນທີ່ສຳຄັນທີ່ບັນດາຝ່າຍຕົກລົງກັນໃນກອງປະຊຸມສຸດຍອດ G20 ຫັງໂຈ່ວຄື: ບັນດາຝ່າຍຕັດສິນໃຈຊີ້ທິດທາງໃຫ້ແກ່ເສດຖະກິດໂລກແລະວາງແຜນການພັດທະນາ, ຕົກລົງສ້າງຮູບການເຕີບໂຕໃໝ່, ເພີ່ມພະລັງຊຸກຍູ້ໃໝ່ໃນການພັດທະນາເສດຖະກິດໂລກ. ຕັດສິນໃຈປັບປຸງການຄຸ້ມຄອງເສດຖະກິດການເງິນຂອງໂລກໃຫ້ສົມບູນ, ຍົກສູງຄວາມສາມາດຕ້ານຄວາມສ່ຽງເສດຖະກິດຂອງໂລກ, ຕັດສິນໃຈຊຸກຍູ້ການຄ້າແລະການລົງທຶນສາກົນໃຫ້ຟື້ນຕົວຄືນໃໝ່, ສ້າງເສດຖະກິດໂລກແບບເປີດກວ້າງ, ຊຸກຍູ້ການພັດທະນາແບບກວມລວມແລະມີບົດບາດຊຸກຍູ້ກັນ, ເຮັດໃຫ້ໝາກຜົນການຮ່ວມມືຂອງ G20 ມີຜົນປະໂຫຍດຕໍ່ທົ່ວໂລກ.
