ສຳນັກງານນາຍົກລັດຖະມົນຕີອັງກິດໄດ້ອອກຖະແຫຼງການໃນວັນທີ 4 ກັນຍານີ້ວ່າ, ໃນໄລຍະຈັດກອງປະຊຸມສຸດຍອດ G20, ທ່ານນາງ ເທເຣຊາ ເມ ນາຍົກລັດຖະມົນຕີປະເທດຕົນຈະປຶກສາຫາລືສັນຍາການຄ້າໃໝ່ກັບຜູ້ນຳປະເທດ ອົສຕຣາລີກໍຄືປະເທດອື່ນໆຫຼັງຖອນອອກຈາກສະຫະພາບເອີຣົບທັງເນັ້ນປະເທດຕົນຕ້ອງກາຍເປັນຜູ້ນຳພາການຄ້າເສລີໃນໂລກ.
ຖະແຫຼງການດັ່ງກ່າວລະບຸວ່າ, ທ່ານນາງ ເມ ຈະຕັ້ງໜ້າລິເລີ່ມການຄ້າເສລີໃນກອງປະຊຸມເທື່ອນີ້, ຂະນະດຽວກັນປະເທດຕົນກໍພວມຕັ້ງໜ້າສ້າງຕັ້ງຄະນະຜູ້ຊ່ຽວ ຊານເຈລະຈາເພື່ອສຸມໃສ່ກະກຽມສັນຍາການຄ້າສອງຝ່າຍສະບັບໃໝ່ກັບປະເທດຕ່າງໆຫຼັງຖອນອອກຈາກສະຫະພາບເອີຣົບ.
ກ່ອນໜ້ານີ້, ອົສຕຣາລີກໍຫວັງຈະສ້າງສັນຍາການຄ້າເສລີກັບອັງກິດໂດຍໄວຫຼັງປະເທດດັ່ງກ່າວຖອນອອກຈາກສະຫະພາບເອີຣົບ.
 |
