ວັນທີ 5 ກັນຍານີ້ ທ່ານນາງວັນດີ ບຸດທະສະວົງເອກອັກຄະລັດຖະທູດລາວປະຈຳຈີນ ໄດ້ໃຫ້ສຳພາດຕໍ່ນັກຂ່າວ cri ຢູ່​ເມືອງຫາງ
ໂຈວວ່າ, ຕະຫຼອດໄລຍະ 25 ປີແຫ່ງ ການພົວພັນສົນທະນາລະຫວ່າງອາຊຽນ－ຈີນ, ສອງຝ່າຍໄດ້ຮັບການພັດທະນາ ແລະຂະ
ຫຍາຍ ຕົວໂດຍກວມເອົາທຸກຂົງເຂດ: ທັງການເມືອງ, ເສດຖະກິດ, ການຄ້າ, ການລົງທຶນ, ການທ່ອງທ່ຽວ, ການສຶກສາ, ວັດທະນະ
ທຳແລະອື່ນໆ ເຊິ່ງເປັນ ທີ່ໜ້າພໍໃຈ.

ທ່ານນາງວັນດີກ່າວວ່າ: ປີ 2015 ຈີນເປັນຄູ່ຄ້າອັນດັບ 1 ຂອງອາຊຽນ, ຂະນະດຽວກັນ ອາຊຽນເປັນຄູ່ຄ້າອັນດັບ 3 ຂອງຈີນ, ມູນຄ່າ
ການລົງທຶນລະຫວ່າງສອງຝ່າຍອາຊຽນ－ຈີນບັນລຸ 150 ຕື້ໂດລາສະຫະລັດ. ສອງຝ່າຍໄດ້ຕົກລົງກັນວ່າຣອດປີ 2020 ໃຫ້ມູນຄ່າ
ການຄ້າ ສອງຝ່າຍບັນລຸ 1,000 ຕື້ໂດລາ. ສອງຝ່າຍຍັງຕົກລົງວ່າໃຫ້ຍົກລະດັບເຂດການຄ້າເສລີ ອາຊຽນ－ຈີນຂຶ້ນອີກບາດກ້າວ
ໜຶ່ງ. ແຕ່ລະອາທິດຈະມີຖ້ຽວບິນໄປມາຫາສູ່ກັນລະຫວ່າງອາ ຊຽນ －ຈີນ 1,000 ກວ່າຖ້ຽວ, ແຕ່ລະປີ ຈະມີພົນລະເມືອງອາຊຽນ－
ຈ້ນໄປມາຫາສູ່ກັນ 18 ລ້ານເຫື່ອຄົນ.

ນອກນີ້, ທ່ານທູດວັນດີຍັງກ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ທີ່ສະເໜີ ອອກໂດຍຈີນນັ້ນມີຄວາມຄ້າຍຄືກັນກັບນະໂຍ
ບາຍສ້າງອາຊຽນໃຫ້ເຊື່ອມໂຍງເຂົ້າກັນ, ແຕ່ກໍຕ້ອງເຮັດ ໃຫ້ການຮ່ວມມືກັນແລະສ້າງຄວາມເຂົ້າໃຈກັນຕື່ມອີກ, ແລະດຳເນີນການຮ່ວມ
ມືໃນການເພີ່ມ ຂີດຄວາມສາມາດໃນການຜະລິດແລະການທ່ອງທ່ຽວເປັນຕົ້ນ, ຈິ່ງສາມາດເຮັດໃຫ້ການພົວ ພັນລະຫວ່ງສອງຝ່າຍມີ
ຄວາມສົມບຸນຂຶ້ນຕື່ມ.ທ່ານນາງ​ວັນ​ດີ​ກ່າວອີກ​ວ່າ: "ຂ້າພະເຈົ້າ ເຊື່ອວ່າດ້ວຍຄວາມພະຍາຍມຢ່າງຕັ້ງໜ້າຂອງ ສປ ຈີນ ແລະການ
ຮ່ວມມືຮ່ວມໃຈຂອງບັນດາປະເທດ ຍ່ອມຈະເຮັດໃຫ້ອາຊຽນ－ຈີນ ບັນລຸຄວາມຈະເລີນຮຸ່ງເຮືອງ ແລະກ້າວໜ້າຮ່ວມກັນ."