ກອງປະຊຸມສຸດຍອດອາຊຽນແລະກອງປະຊຸມສຸດຍອດການຮ່ວມມືອາຊີຕາເວັນອອກພ້ອມດ້ວຍກອງປະຊຸມທີ່ກ່ຽວຂ້ອງຕ່າງໆໄດ້ຈັດຂຶ້ນຢູ່ນະຄອນຫຼວງວຽງຈັນ ສປປ ລາວ ປະເທດປະທານໝູນວຽນອາຊຽນແຕ່ວັນທີ 6-8 ກັນຍານີ້. ໃນຖານະເປັນສະຖານທີ່ປະຊຸມຕົ້ນຕໍຂອງກອງປະຊຸມສຸດຍອດຕ່າງໆເທື່ອນີ້, ສູນປະຊຸມແຫ່ງຊາດລາວໄດ້ເອກອ້າງຕໍ່ສາຍຕາຊາວໂລກ.
ພາຍຫຼັງສູນປະຊຸມແຫ່ງຊາດລາວສຳເລັດການກໍ່ສ້າງໃນປີ 2012ເຊິ່ງເປັນການຊ່ວຍເຫຼືອຈາກລັດຖະບານຈີນແລ້ວກໍ່ໄດ້ເປັນສະຖານທີ່ສຳຄັນໃນການຈັດກອງປະຊຸມສຸດຍອດອາຊີ-ເອີຣົບຄັ້ງທີ 9 ໃນປີດັ່ງກ່າວແລະປັດຈຸບັນໄດ້ກາຍເປັນສະຖານທີ່ຈັດກອງປະຊຸມໃຫຍ່ແລະກິດຈະກຳຕ່າງໆໃນປະເທດ. ເພື່ອຮັບປະກັນໃຫ້ສິ່ງກໍ່ສ້າງແລະພື້ນຖານໂຄງລ່າງຕ່າງໆຢູ່ໃນສູນປະຊຸມແຫ່ງຊາດສາມາດຕອບສະໜອງຕາມຄວາມຮຽກຮ້ອງຕ້ອງການຂອງກອງປະຊຸມສຸດຍອດອາຊີຕາເວັນອອກ 2016 ພ້ອມດ້ວຍກອງປະຊຸມກ່ຽວຂ້ອງຕ່າງໆ, ເດືອນພຶດສະພາຜ່ານມາ, ລັດຖະບານຈີນເຫັນດີຮັບຜິດຊອບໂຄງການຮັບປະກັນກິດຈະການກວມລວມຂອງກອງປະຊຸມສຸດຍອດອາຊີຕາເວັນອອກທີ່ຈັດຂຶ້ນຢູ່ປະເທດລາວ.
ເພື່ອຮັບປະກັນໃຫ້ສູນປະຊຸມດັ່ງກ່າວນຳໃຊ້ເປັນປົກກະຕິໃນໄລຍະກອງປະຊຸມສຸດຍອດ, ລາວຮຽກຮ້ອງໃຫ້ປະຕິບັດໂຄງການດັ່ງກ່າວກ່ອນວັນທີ 30 ສິງຫາປີ 2016. ດ້ວຍຄວາມພະຍາຍາມຢ່າງບໍ່ລົດລະຂອງບັນດາຝ່າຍທີ່ມີສ່ວນຮ່ວມກໍ່ສ້າງ, ວັນທີ 24 ສິງຫາຜ່ານມາ,ໂຄງການປັບປຸງແລະຍົກລະດັບສູນປະຊຸມແຫ່ງຊາດໄດ້ສຳເລັດລົງດ້ວຍຜົນສຳເລັດຢ່າງຈົບງາມກ່ອນເວລາກຳນົດ ທັງໄດ້ມາດຕະຖານສາກົນລະດັບໜຶ່ງຂອງສູນປະຊຸມ ແລະໄດ້ຜ່ານການກວດກາຈາກທ່ານສອນໄຊ ສີພັນດອນ ຮອງນາຍົກລັດຖະມົນຕີ ສປປ ລາວພ້ອມດ້ວຍເຈົ້າໜ້າທີ່ກ່ຽວຂ້ອງຂອງສຳນັກງານນາຍົກລັດຖະມົນຕີ ທັງໄດ້ຮັບການຕີລາຄາສູງຈາກສຳນັກງານນາຍົກລັດຖະມົນຕີ,ສູນປະຊຸມແຫ່ງຊາດແລະພາກສ່ວນທີ່ກ່ຽວຂ້ອງອື່ນໆ.
 |
