ວັນທີ 7 ກັນຍານີ້, ກອງປະຊຸມສຸດຍອດລະນຶກຈີນ-ອາຊຽນສ້າງຕັ້ງສາຍພົວພັນຄູ່ເຈລະຈາຄົບຮອບ 25 ປີຢູ່ນະຄອນຫຼວງວຽງຈັນຂອງລາວ, ໄດ້ອອກ ຖະແຫຼງການຮ່ວມກອງປະຊຸມສຸດຍອດລະນຶກຖະແຫຼງການຮ່ວມຄວາມສາມາດຜະລິດ ແລະ ເອກະສານຫຼາຍສະບັບກ່ຽວກັບການຮ່ວມມືຄວາມປອດໄພຢູ່ເທິງທະເລ. ຖະແຫຼງການຮ່ວມກອງປະຊຸມສຸດຍອດລະນຶກແມ່ນມະຫາພາກແລະຮອບດ້ານທີ່ສຸດໃນເອກະສານຫຼາຍສະບັບທັງມີຄວາມໝາຍຊີ້ນຳອັນສຳຄັນຕໍ່ການຂະຫຍາຍຕົວຂອງການພົວພັນລະຫວ່າງສອງຝ່າຍໃນຕໍ່ໜ້າ.
ຖະແຫຼງການຮ່ວມກອງປະຊຸມສຸດຍອດລະນຶກໄດ້ຕີລາຄາສູງຕໍ່ຜົນສຳເລັດຂອງການພົວພັນລະຫວ່າງສອງຝ່າຍທີ່ຂະຫຍາຍຕົວ. ສອງຝ່າຍໄດ້ກ່າວຢ້ຳເຖິງນະໂຍບາຍຂອງກັນແລະກັນ, ຝ່າຍຈີນຊົມເຊີຍການສ້າງຕັ້ງປະຊາຄົມອາຊຽນ, ສະໜັບສະໜູນຂະບວນເຊື່ອມໂຍງເຂົ້າກັນ, ສະໜັບສະໜູນຖານະເປັນໃຈກາງຂອງອາຊຽນໃນການອົງປະກອບພາກພື້ນ. ອາຊຽນກ່າວຢ້ຳວ່າການພັດທະນາຂອງຈີນແມ່ນໂອກາດສຳຄັນຕໍ່ພາກພື້ນຕົນ, ສະໜັບສະໜູນຈີນພັດທະນາໂດຍສັນຕິແລະຈະຍຶດໝັ້ນນະໂຍບາຍຈີນດຽວແຕ່ຕົ້ນຕະຫຼອດປາຍ.
ຖະແຫຼງການຮ່ວມກອງປະຊຸມສຸດຍອດລະນຶກໄດ້ຮັບຮອງເອກະສານສອງສະບັບ ຄື ທິດທາງການສ້າງຕັ້ງສາຍດ່ວນລະດັບເຈົ້າໜ້າທີ່ການທູດຂັ້ນສູງເພື່ອແກ້ໄຂສະພາວະສຸກເສີນຢູ່ເທິງທະເລ ແລະ ຖະແຫຼງການຮ່ວມນຳໃຊ້ "ກົດລະບຽບການພົບກັນໂດຍບັງເອີນຢູ່ເທິງທະເລ" ຢູ່ທະເລຈີນໃຕ້, ເຊິ່ງເປັນການສະແດງໃຫ້ເຫັນເຖິງຄວາມປາຖະໜາອັນຕັ້ງໜ້າແລະຄວາມຝັນເອກະພາບກັນທີ່ສຳຄັນຂອງຈີນແລະປະເທດອາຊຽນໃນການກັບຄືນສູ່ຂອບພາກພື້ນໂດຍເອົາຖະແຫຼງການເປັນສຳຄັນແລະກັບຄືນສູ່ເສັ້ນທາງອັນຖືກຕ້ອງໃນການແກ້ໄຂຄວາມຂັດແຍ້ງກັນໂດຍຜ່ານການເຈລະຈາແລະເປິກສາຫາລືສອງຝ່າຍ.
