ຕາມຂ່າວສານຊິນຮວາ:ວັນທີ 7 ກັນຍານີ້,ໃນກອງປະຊຸມສຸດຍອດຈີນ-ອາຊຽນຄັ້ງທີ 19 ທີ່ຈັດຂຶ້ນຢູ່ນະຄອນຫຼວງວຽງຈັນສປປລາວ,ຜູ້ນຳຈີນແລະປະເທດໃນອາຊຽນໄດ້ພິຈາລະນາແລະຮັບຮອງເອົາຖະແຫຼງການຮ່ວມລະຫວ່າງຈີນແລະປະເທດໃນອາຊຽນກ່ຽວກັບການໃຊ້ກົດແຫ່ງການພົບກັນໂດຍບັງເອີນເທິງທະເລຢູ່ທະເລຈີນໃຕ້.ໃນຖານະເອກະສານທີ່ເປັນໝາກຜົນສຳຄັນ ສະບັບໜຶ່ງຂອງກອງປະຊຸມຄັ້ງນີ້,ຖະແຫຼງການນີ້ໄດ້ຕອບສະໜອງຕໍ່ການຊີ້ນຳທີ່ຈະແຈ້ງໃຫ້ແກ່ເຮືອກຳປ່ັນແລະຍົນຂອງກອງທັບເຮືອຈີນແລະປະເທດໃນອາຊຽນໃນການແກ້ໄຂສຸກເສີນແລະມາດຕະການປະຕິບັດໃນເວລາພົບກັນໂດຍບັງເອີນຢູ່ທະເລຈີນໃຕ້.
ທັງນີ້ເມື່ອເດືອນເມສາປີ 2014,ກອງປະຊຸມເວທີປຶກສາຫາລືກອງທັບເຮືອມະຫາສະໝຸດປາຊິຟິກຕາເວັນຕົກ ຫຼື WPNS ຄັ້ງທີ 14 ທີ່ກອງທັບເຮືອຈີນເປັນເຈົ້າພາບຈັດຂຶ້ນນັ້ນໄດ້ໄຂຂຶ້ນຢູ່ເມືອງຊິງຕາວຈີນໂດຍຜູ້ນຳກອງທັບເຮືອຂອງ 20 ກວ່າປະເທດຢູ່ພາກພື້ນປາຊິຟິກຕາເວັນຕົກໄດ້ເປັນເອກະສັນກັນພິຈາລະນາແລະຮັບຮອງກົດແຫ່ງການພົບກັນໂດຍບັງເອີນເທິງທະເລຫຼື CUES.ໂດຍບໍ່ມີຜົນບໍ່ມີຜົນບັງຄັບໃຊ້ຢ່າງສັກສິດ,ບໍ່ໄດ້ກຳນົດເຂດທະເລທີ່ເໝາະສົມຢ່າງລະອຽດແລະຈະແຈ້ງ,ເຊີ່ງເປັນພຽງລະບົບກົດແບບເປີດກວ້າງລັກສະນະຊີ້ນຳ.ບັນດາປະເທດໃນອາຊຽນເຖິງວ່າສປປລາວແລະມຽນມາບໍ່ແມ່ນປະເທດສະມາຊິກ WPNS,ແຕ່ໂດຍຖືເອົາການປົກປັກຮັກສາສັນຕິພາບແລະສະຖຽນລະພາບຂອງພາກພື້ນແລະຄວາມເປັນອັນໜຶ່ງອັນດຽວກັນຂອງ 11 ຝ່າຍຄືຈີນແລະປະເທດໃນອາຊຽນເປັນສຳຄັນ,ສປປລາວແລະມຽນມາຕ່າງກໍກ່າວວ່າຍິນດີນຳໃຊ້ CUES ຢູ່ທະເລຈີນໃຕ້.
ຖະແຫຼງການຮ່ວມລະຫວ່າງຈີນແລະປະເທດໃນອາຊຽນແມ່ນໝາກຜົນສຳຄັນໜຶ່ງທີ່ປະເທດໃນພາກພື້ນສາມັກຄີເປັນເອກະພາບກັນພະຍາຍາມປົກປັກຮັກສາສັນຕິພາບແລະສະຖຽນລະພາບຢູ່ທະເລຈີນໃຕ້ເຊິ່ງສະແດງໃຫ້ເຫັນຢ່າງເຕັມທີ່ເຖິງຄວາມຕັດສິນໃຈອັນເດັດດ່ຽວແລະຄວາມປາຖະໜາອັນແຮງກ້າຂອງປະເທດໃນພາກພື້ນຕໍ່ການສືບຕໍ່ຮ່ວມກັນປົກປັກຮັກສາສັນຕິພາບແລະສະຖຽນລະພາບຢູ່ທະເລຈີນໃຕ້,ອັນໄດ້ສ້າງແບບຢ່າງທີ່ດີໃຫ້ແກ່ພາກພື້ນອາຊີປາຊິຟິກແລະທົ່ວໂລກໃນການຄຸ້ມຄອງຄວາມສ່ຽງແລະປົກປັກຮັກສາຄວາມໝັ້ນຄົງຂອງເຂດທະເລທີ່ກ່ຽວຂ້ອງ.
 |
