ວັນທີ 15 ກັນຍານີ້,ທ່ານລຽວຈົງໄລ ລັດຖະມົນຕີກະຊວງຄົມມະນາຄົມມາເລເຊຍກ່າວວ່າ: ຊິ້ນສ່ວນຂອງເຮືອບິນທີ່ພົບຢູ່ຕັງຊານີສາມາດຢືນຢັນໄດ້ວ່າແມ່ນຂອງເຮືອບິນໂດຍສານຖ້ຽວບິນ MH 370 ຂອງບໍລິສັດການບິນມາເລເຊຍທີ່ຫາຍສາບສູນເມື່ອປີ2014.
ໃນຖະແຫຼງການສະບັບໜຶ່ງຂອງທ່ານລຽວຈົງໄລໄດ້ລະບຸວ່າ: ຊິ້ນສ່ວນເຮືອບິນດັ່ງກ່າວນີ້ ໄດ້ພົບຢູ່ເກາະເປັມບາ ປະເທດຕັງຊານີໃນວັນທີ 20 ມິຖຸນາຜ່ານມາແລະເມື່ອມໍ່ໆນີ້, ຊ່ຽວຊານກົມຄວາມປອດໄພຄົມມະນາຄົມອົສຕຣາລີກໍໄດ້ສຳເລັດການກວດກາວິໄຈຊິ້ນສ່ວນເຮືອບິນດັ່ງກ່າວແລ້ວ. ຈາກຮູບພາຍນອກ,ຂະໜາດ,ໂຄງສ້າງພ້ອມດ້ວຍຕົວເລກຈຳນວນໜຶ່ງຂອງຊິ້ນສ່ວນນີ້ສາມາດຢືນຢັນໄດ້ວ່າແມ່ນສ່ວນໜຶ່ງຂອງປີກຍົນໂດຍສານໂບອີງ 777.
ທ່ານລຽວຈົງໄລຍັງກ່າວຕື່ມວ່າ, ບັນດາຊ່ຽວຊານຈະວິໄຈແລະກວດກາຕື່ມເພື່ອໃຫ້ໄດ້ຮັບຫຼັກຖານໃໝ່ກ່ຽວກັບເຮືອບິນໂດຍສານຖ້ຽວບິນ MH 370 ຂອງບໍລິສັດການບິນມາເລເຊຍ.