ທ່ານ ຫຼີເຄິ້ສຽງ ນາຍົກລັດຖະມົນຕີຈີນທີ່ພວມຢ້ຽມຢາມການາດາໄດ້ພົບປະກັບທ່ານ ຈັສຕິນ ຕຣູໂດ ນາຍົກລັດຖະມົນຕີການາດາຢູ່ນະຄອນຫຼວງອົດຕາວາປະເທດດັ່ງກ່າວໃນວັນທີ 22 ກັນຍານີ້, ໂດຍໄດ້ເລີ່ມຕົ້ນກົນໄກພົບປະປະຈຳປີລະຫວ່າງນາຍົກລັດຖະມົນຕີສອງປະເທດຢ່າງເປັນທາງການແລະເຂົ້າຮ່ວມເປັນສັກຂີພິຍານໃນພິທີລົງນາມສັນຍາຮ່ວມມືລະຫວ່າງສອງປະເທດ.
ໃນພິທີດັ່ງກ່າວນີ້, ຜູ້ຕາງໜ້າສອງປະເທດໄດ້ລົງນາມໃນສັນຍາຮ່ວມມື 14 ສະບັບເປັນຕົ້ນ "ຖະແຫຼງການຮ່ວມກ່ຽວກັບການດຳເນີນການຮ່ວມມືຕະຫຼາດຝ່າຍທີ 3 ລະຫວ່າງຈີນ-ການາດາ" ແລະອື່ນໆເຊິ່ງສັນຍາຮ່ວມມືເຫຼົ່ານີ້ກວມເອົາຂົງເຂດການຄ້າ-ການລົງທຶນ, ການເງິນ, ການທ່ອງທ່ຽວ, ການສຶກສາ, ການຮ່ວມມືຍຸຕິທຳແລະອື່ນໆ.
ນອກນີ້, ສອງຝ່າຍຍັງເຫັນດີສ້າງຕັ້ງໜ່ວຍງານການຄ້າເພື່ອປຶກສາຫາລືການເງິນແລະເສດຖະກິດ-ການຄ້າທາງຍຸທະສາດທັງກຳນົດເປົ້າໝາຍທີ່ຈຳນວນນັກທ່ອງທ່ຽວໄປທ່ຽວສອງປະເທດເພີ່ມຂຶ້ນໜຶ່ງເທົ່າເມື່ອຮອດປີ 2025.
 |
