ວັນທີ 23 ກັນຍານີ້, ທ່ານລູ້ຄ່າງ, ໂຄສົກກະຊວງການຕ່າງປະເທດຈີນກ່າວວ່າ, ຈີນກັບຟິລິບປິນ ກຳລັງຮັກສາການຕິດຕໍ່ພົວພັນຢ່າງໃກ້ຊິດກ່ຽວກັບການຢ້ຽມຢາມຈີນຂອງທ່ານໂຣດຣິໂກ ດູເຕີເຕ ປະທານາທິບໍດີຟິລິບປິນ, ແລະຄອງຄອຍທ່ານຈະສາມາດຢ້ຽມຢາມຈີນໂດຍໄວເທົ່າທີ່ຈະໄວໄດ້.
ທ່ານລູ້ຄ່າງແມ່ນໃຫ້ທັດສະນະດັ່ງກ່າວໃນເວລາຕອບຄຳຖາມທີ່ກ່ຽວຂ້ອງໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ. ຕາມຂ່າວຈາກຝ່າຍຟິລິບປິນ, ທ່ານດູເຕີເຕອາດຈະຢ້ຽມຢາມຈີນໃນກາງເດືອນຕຸລາທີ່ຈະມາເຖິງນີ້.
ທ່ານລູ້ຄ່າງກ່າວວ່າ, ບໍ່ວ່າລະຫວ່າງສອງປະເທດໃດ, ກໍ່ອາດຈະມີຄວາມຂັດແຍ່ງກັນຕ່າງໆ, ທະແນມແຕ່ຈີນກັບຟິລິບປິນມີເຈດຈຳນົງການເມືອງທີ່ຢາກແກ້ໄຂບັນຫາ, ການພົວພັນລະຫວ່າງສອງປະເທດກໍ່ຈະສາມາດຜ່ານອຸປະສັກຕ່າງໆໄດ້.
ໂດຍແນໃສ່ການລາຍງານຂ່າວຂອງສື່ມວນຊົນຍີ່ປຸ່ນ, ເອກອັກຄະລັດຖະທູດຈີນປະຈຳຟິລິບປິນເຄີຍສະເໜີໃຫ້ທ່ານປະທານາທິບໍດີ ດູເຕີເຕ ຢ້ຽມຢາມຈີນກ່ອນແລ້ວຈຶ່ງໄປຢ້ຽມຢາມຍີ່ປຸ່ນ, ທ່ານລູ້ຄ່າງກ່າວວ່າ, ຟິລິບປິນແມ່ນປະເທດທີ່ມີອະທິປະໄຕ, ແນ່ນອນແລ້ວວ່າຈະຕັດສິນວາລະວຽກງານດ້ານການຕ່າງປະເທດຂອງຕົນໂດຍອີງຕາມການວິເຄາະຂອງຕົນ. ພ້ອມກັນນັ້ນ, ການໄປມາຫາສູ່ກັນຂັ້ນສູງລະຫວາງທຸກສອງປະເທດ, ກໍ່ຕ້ອງໃຫ້ສອງຝ່າຍຕົກລົງຮ່ວມກັນ, ນີ້ກໍ່ແມ່ນຮີດສາກົນດ້ານການຕ່າງປະເທດ.
 |
