ຂ່າວສານປະເທດລາວລາຍງານໃນວັນທີ 27 ກັນຍານີ້ວ່າ: ມູນຄ່າການຄ້າລະຫວ່າງລາວ-ຫວຽດນາມໄດ້ຫຼຸດລົງ 34,8% ໃນໄລຍະ 6 ເດືອນທີ່ຜ່ານມາ.
ພາຍຫຼັງລັດຖະບານລາວຢຸດເຊົາໂຄງການພັດທະນາບໍ່ແຮ່ຈຳນວນໜຶ່ງແລະຫ້າມສົ່ງອອກໄມ້ທ່ອນແລະໄມ້ປຸງແຕ່ງສຳເລັດຮູບແລ້ວ, ມູນຄ່າການຄ້າລະຫວ່າງລາວ-ຫວຽດນາມໄດ້ຫຼຸດລົງຢ່າງຫຼວງຫຼາຍໂດຍໃນໄລຍະ 6 ເດືອນທີ່ຜ່ານມາ, ມູນຄ່າການຄ້າລະຫວ່າງສອງຝ່າຍບັນລຸພຽງ 427 ລ້ານໂດລາສະຫະລັດເທົ່ານັ້ນ ເຊິ່ງຫຼຸດລົງເກືອບເຄິ່ງເມື່ອທຽບໃສ່ໄລຍະດຽວກັນຂອງປີຜ່ານມາ, ຂະນະທີ່ມູນຄ່າການຄ້າຂອງລາວໃນປີ 2015 ຜ່ານມາກໍບັນລຸພຽງແຕ່ 1 ຕື້ 100 ລ້ານໂດລາສະຫະລັດ ຫຼຸດລົງ 12,6% ເມື່ອທຽບໃສ່ປີ 2014.
ຂ່າວແຈ້ງວ່າ: ລັດຖະບານລາວແລະຫວຽດນາມໄດ້ເອົາໃຈໃສ່ແກ້ໄຂບັນຫາການຫຼຸດລົງຂອງມູນຄ່າການຄ້າສອງຝ່າຍໂດຍໃນວັນທີ 23 ກັນຍານີ້ຢູ່ແຂວງອັດຕະປື, ທ່ານເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳແລະການຄ້າລາວແລະທ່ານເຈິນຈຸງແອງ ລັດຖະມົນຕີກະຊວງອຸດສາຫະກຳແລະການຄ້າຫວຽດນາມໄດ້ເປັນປະທານກອງປະຊຸມສົ່ງເສີມແລະຮ່ວມມືດ້ານການຄ້າຊາຍແດນລາວ-ຫວຽດນາມເທື່ອທີ 10 ໂດຍຜູ້ເຂົ້າຮ່ວມກອງປະຊຸມຢືນຢັນວ່າຈະຮ່ວມມືກັນໃຫ້ມີປະສິດທິຜົນກວ່າເກົ່າ,ດ້ວຍການສູ້ຊົນສົ່ງເສີມການຄ້າຊາຍແດນລະຫວ່າງສອງປະເທດໃນປີນີ້ໃຫ້ຂະຫຍາຍຕົວ 20%.
 |
