ວັນທີ 10 ຕຸລານີ້, ກອງປະຊຸມເວທີປຶກສາຫາລືຊ່ຽງຊ່ານໄດ້ໄຂຂຶ້ນຢູ່ນະຄອນຫຼວງປັກກິ່ງ ສປ ຈີນ, ໂດຍເຈົ້າໜ້າທີ່, ນັກວິຊາການ 400 ກວ່າທ່ານຈາກ 59 ປະເທດແລະ 6 ອົງການຈັດຕັ້ງສາກົນເຂົ້າຮ່ວມເພື່ອຄົ້ນຄວ້າປຶກສາຫາລືບັນຫາການຮ່ວມມືດ້ານຄວາມປອດໄພຂອງອາຊີປາຊິຟິກ. ແລະເນັ້ນຫົວຂໍ້ຕົ້ນຕໍຄື: "ເພີ່ມທະວີການຮ່ວມມືແລະສົນທະນາດ້ານຄວາມໝັ້ນຄົງ, ສ້າງສາຍພົວພັນສາກົນແບບໃໝ່".
ກອງປະຊຸມເວທີປຶກສາຫາລືເທື່ອນີ້ໄດ້ເນັ້ນ 4 ຫົວຂໍ້, ເຊັ່ນ"ການຮ່ວມກັນຮັບມືກັບການທ້າທາຍໃໝ່ດ້ານຄວາມໝັ້ນຄົງຢູ່ອາຊີປາຊີຟິກ" "ບົດບາດຂອງກອງທັບໃນການປັບປຸງທົ່ວໂລກໃຫ້ດີຂຶ້ນ" "ການຮ່ວມມືຄວາມໝັ້ນຄົງທາງທະເລ" ແລະການ "ຮັບມືກັບໄພຂົ່ມຂູ່ຈາກລັດທິກໍ່ການຮ້າຍສາກົນ"
ແນວໃດກໍດີເມື່ອທຽບໃສ່ກອງປະຊຸມເວທີປຶກສາຫາລືຄັ້ງທີ່ຜ່ານມາ, ກອງປະຊຸມເທື່ອນີ້ມີຜູ້ເຂົ້າຮ່ວມຫຼາຍກວ່າເກົ່າ, ເຊິ່ງນອກຈາກມີປະເທດໃນອາຊີເຂົ້າຮ່ວມຢ່າງຕັ້ງໜ້າແລ້ວ, ຍັງມີປະເທດໃນເອີລົບ, ອາຟຣິກາແລະປະເທດຈາກມະຫາສະໝຸດປາຊິຟິກໃຕ້ກໍໄດ້ເຂົ້າຮ່ວມຫຼາຍກວ່າເກົ່າ.
 |
