ໃນໂອກາດວັນປະກາດໃຊ້ "ກົດບັດສະຫະປະຊາຊາດ" ວັນທີ່ 24 ຕຸລາແລະວັນສ້າງຕັ້ງອົງການສະຫະປະຊາຊາດຄົບຮອບ 71 ປີ. ທ່ານບັນກິມູນ, ເລຂາທິການໃຫຍ່ອົງການສະຫະປະຊາຊາດໄດ້ກ່າວປາໄສກ່ຽວກັບ "ວັນສ້າງຕັ້ງອົງການສະຫະປະຊາຊາດ", ໂດຍຮຽກຮ້ອງໃຫ້ປະຊາຊາດສະໜັບສະໜູນວຽກງານຂອງທ່ານອັນໂຕນິໂອ ກູເທີເລສ ວ່າທີ່ເລຂາທິການໃຫຍ່ອົງການສະຫະປະຊາຊາດຢ່າງແຂງແຮງຫຼັງໄດ້ຮັບຕຳແໜ່ງເລຂາທິການໃຫຍ່ອົງການສະຫະປະຊາຊາດຢ່າງເປັນທາງການ.
ທ່ານບັນກິມູນກ່າວວ່າ, ອົງການສະຫະປະຊາຊາດຈະສຳເລັດການມອບຮັບວຽກງານຂອງເລຂາທິການໃຫຍ່ອົງການສະຫະປະຊາຊາດຊຸດທີ 8 ແລະຊຸດທີ 9. ໃຫ້ສຳເລັດແລະສະແດງຄວາມຂອບໃຈຕໍ່ການສະໜັບສະໜູນຈາກປະຊາຊົນຂອງປະເທດຕ່າງໆໃນທົ່ວໂລກ, ແລະຮຽກຮ້ອງໃຫ້ປະຊາຊາດຈົ່ງອອກແຮງຢ່າງສຸດຂີດສະໜັບສະໜູນທ່ານອັນໂຕນິໂອ ກູເທີເລສ ສືບຕໍ່ປະຕິບັດໜ້າທີ່ຂອງອົງການສະຫະປະຊາຊາດເພື່ອເຮັດໃຫ້ທົ່ວໂລກບັນລຸສັນຕິພາບ, ການພັດທະນາແບບຍືນຍົງແລະສິດທິມະນຸດ.