ທ່ານເຊີເກ ລາວຼົຟ ລັດຖະມົນຕີກະຊວງການຕ່າງປະເທດຣັດເຊຍ ແລະ ທ່ານແຟຣງ ວານເຕີ ສະເຕອິນເມເອີ ລັດຖະມົນຕີກະຊວງການຕ່າງປະເທດເຢຍລະມັນ ໄດ້ສົນທະນາຜ່ານທາງໂທລະສັບ ໂດຍໄດ້ເຈາະຈົງປຶກສາຫາລືສະຖານະການຊີຣີເພື່ອຈະເຮັດແນວໃດໃນການແກ້ໄຂວິກິດການປະເທດດັ່ງກ່າວ.
ຝ່າຍຣັດເຊຍ ຢືນຢັນວ່າ: ບໍ່ຄວນປ່ອຍປະລະເລີຍຕໍ່ການສະກັດກັ້ນການຊ່ວຍເຫຼືອທາງມະນຸດສະທຳແລະການປິ່ນປົວຢູ່ເຂດພາກຕາເວັນອອກເມືອງອາເລັບໂປທີ່ກະທຳຈາກກຸ່ມຫົວຮຸນແຮງ, ອົງການຊ່ວຍເຫຼືອທາງມະນຸດສະທຳຂອງອົງການສະຫະປະຊາຊາດຄວນເພີ່ມທະວີການປະສານງານກັບປະເທດທີ່ກ່ຽວຂ້ອງເພື່ອກຳຈັດການກະທຳເຫຼົ່ານີ້ໂດຍໄວເທົ່າທີ່ຈະໄວໄດ້. ຂະນະດຽວກັນ, ທ່ານລາວຼົຟ ເນັ້ນວ່າ: ຈະຕ້ອງຈຳແນກພັກຝ່າຍຄ້ານທີ່ອ່ອນໂຍນກັບກຸ່ມຫົວຮຸນແຮງຢູ່ໃນດິນແດນຊີຣີຢ່າງບໍ່ມີເງື່ອນໄຂ.
ລັດຖະມົນຕີສອງທ່ານໄດ້ນັດກັນວ່າ ສອງປະເທດຈະສືບຕໍ່ຮັກສາກົນໄກປຶກສາຫາລືລະດັບນັກວິຊາການທີ່ສ້າງຂຶ້ນລະຫວ່າງກະຊວງການຕ່າງປະເທດຂອງສອງປະເທດເພື່ອໄກ່ເກ່ຍວິກິດການຊີຣີ.
