ໃນພິທີຖະແຫຼງຂ່າວທີ່ຈັດຂຶ້ນໃນວັນທີ 25 ຕຸລານີ້, ທ່ານລູ້ຄ່າງ ໂຄສົກກະຊວງການ ຕ່າງປະເທດຈີນກ່າວວ່າ, ຈີນຮູ້ສຶກຕົກໃຈຕໍ່ເຫດການໂຈມຕີແບບກໍ່ການຮ້າຍທີ່ເກີດຂຶ້ນຢູ່ເມືອງກຸຍທາຂອງປາກີສະຖານເຮັດໃຫ້ຫຼາຍຄົນເສຍຊີວິດແລະບາດເຈັບ, ແລະຂໍກ່າວປະນາມຢ່າງຮຸນແຮງຕໍ່ເຫດການໂຈມຕີ. ຂະນະດຽວກັນຈີນກໍຄັດຄ້ານລັດທິກໍ່ການຮ້າຍທຸກຮູບການ, ແລະຈະສືບຕໍ່ສະໜັບສະໜູນລັດຖະບານປາກີສະຖານຕໍ່ຕ້ານລັດທິກໍ່ການຮ້າຍ, ເພື່ອຮັກສາຄວາມໝັ້ນຄົງຂອງປະເທດແລະຄວາມປອດໄພດ້ານຊີວິດແລະຊັບສິນຂອງປະຊາຊົນ.
ຂ່າວແຈ້ງວ່າ, ຕອນຄ່ຳວັນທີ 24 ຕຸລານີ້, ໂຮງຮຽນຕຳຫຼວດແຫ່ງໜຶ່ງຂອງເມືອງກຸຍທາແຂວງບາເຊສຕັນພາກຕາເວັນຕົກສຽງໃຕ້ຂອງປາກີສະຖານໄດ້ຖືກກຸ່ມປະກອບອາວຸດຫຼອນໂຈມຕີ, ສົ່ງຜົນເຣັດໃຫ້ຫຼາຍສິບຄົນເສຍຊີວິດແລະບາດເຈັບ.
 |
