ວັນທີ 25 ຕຸລານີ້, ກົມພະລັງງານສາກົນເປີດເຜີຍບົດລາຍງານວ່າ, ປີ 2015, ພະລັງງານທີ່ເກີດໃໝ່ໄດ້ລື່ນກາຍຖ່ານຫີນ, ກາຍເປັນແຫຼ່ງຜະລິດໄຟຟ້າໃໝ່ຫຼາຍທີ່ສຸດໃນໂລກເປັນຄັ້ງທຳອິດ. ແນວໃດກໍດີ, ພະລັງໄຟຟ້າທີ່ຜະລິດໂດຍຖ່ານຫີນກໍຍັງກວມ 39% ຂອງຍອດຈຳນວນຜະລິດໄຟຟ້າຂອງໂລກ, ຂະນະທີ່ພະລັງໄຟຟ້າທີ່ຜະລິດດ້ວຍພະລັງງານທີ່ເກີດໃໝ່ມີພຽງແຕ່ 23%, ແຕ່ກໍຄາດວ່າຈະເພີ່ມຂຶ້ນເປັນ 28% ໃນປີ 2021.
ບົດລາຍງານຊີ້ໃຫ້ເຫັນວ່າ, ພະລັງງານທີ່ເກີດໃໝ່ສາມາດພັດທະນາໄດ້ຢ່າງວ່ອງໄວ, ເຊິ່ງຕົ້ນຕໍເປັນຜົນມາຈາກອາເມລິກາ, ຈີນ, ອິນເດຍ, ແມັກຊິກແລະອື່ນໆໄດ້ວາງນະໂຍບາຍສະໜັບສະໜູນຢ່າງແຂງແຮງແລະຕົ້ນທຶນການຜະລິດໄຟຟ້າດ້ວຍພະລັງແສງຕາເວັນແລະພະລັງລົມທາງບົກໄດ້ຫຼຸດລົງຢ່າງຫຼວງຫຼາຍ.