ສ້າງຕັ້ງສະຖາບັນຂົງຈື້ແຫ່ງທຳອິດຢູ່ເຂດໃຫຍ່ຊີຊີເລຍປະເທດອີຕາລີຢ່າງເປັນທາງການ
ພິທີເປີດປ້າຍສະຖາບັນຂົງຈື້ມະຫາວິທະຍາໄລໂຄເຣແອນນາ ໄດ້ຈັດຂຶ້ນຢ່າງຍິ່ງໃຫຍ່ຢູ່ມະຫາວິທະຍາໄລໂຄເຣແຂວງແອນນາ ປະເທດອີຕາລີໃນວັນທີ 25 ຕຸລານີ້ໂດຍທ່ານໂລຜິງ ທີ່ປຶກສາພະແນກສຶກສາທິການສະຖານທູດຈີນປະຈຳອີຕາລີ, ທ່ານບຣູໂນ ມາຊີອາໂນ ສະມາຊິກສະພາຂອງພະແນກສຶກສາທິການເຂດໃຫຍ່ຊີຊີເລຍອີຕາລີ, ທ່ານສາສະດາຈານ ຄາຕານໂດ ຊາເລໂນ ປະທານສະພາມົນຕີມະຫາວິທະຍາໄລໂຄເຣແອນນາ, ທ່ານສາສະດາຈານ ຈິໂອວານນີ ປູລີຊີ ອະທິການບໍດີມະຫາວິທະຍາໄລໂຄເຣແອນນາພ້ອມດ້ວຍຜູ້ຕາງໜ້າລັດຖະບານສອງຝ່າຍ, ອາຈານແລະນັກສຶກສາ, ບຸກຄົນວົງການຕ່າງໆໃນສັງຄົມອີຕາລີເຂົ້າຮ່ວມ.
ສະຖາບັນຂົງຈື້ມະຫາວິທະຍາໄລໂຄເຣແອນນາເປັນສະຖາບັນແຫ່ງທີ 12 ຂອງອີຕາລີ ແລະເປັນສະຖາບັນໜຶ່ງດຽວຢູ່ເຂດໃຫຍ່ຊີຊີເລຍທີ່ໄດ້ຮ່ວມມືກັບມະຫາວິທະຍາໄລພາສາຕ່າງປະເທດຕ້າລຽນຈີນ.
