ເມື່ອມໍ່ໆນີ້, ທະນາຄານໂລກໄດ້ເປີດເຜີຍບົດລາຍງານປະຈຳປີຢ່າງເປັນທາງການໃນຫົວຂໍ້ "ບົດລາຍງານສະພາບແວດລ້ອມການດຳເນີນທຸລະກິດ 2017: ທຸກຄົນມີໂອກາດສະເໝີພາບ"ໂດຍລະບຸວ່າ: ປີ 2015 ຜ່ານມາ, ທົ່ວໂລກມີ ກຸ່ມເສດຖະກິດ 137 ກຸ່ມໄດ້ປະຕິຮູບສະພາບແວດລ້ອມການດຳເນີນທຸລະກິດທີ່ເປັນຂໍກະແຈ ເຊິ່ງເຮັດໃຫ້ການສ້າງຕັ້ງແລະດຳເນີນທຸລະກິດຂອງວິສາຫະກິດຂະໜາດກາງແລະນ້ອຍງ່າຍກວ່າເກົ່າ. ແນວໃດກໍດີ, ໃນການຈັດອັນດັບປະສິດທິພາບການດຳເນີນທຸລະກິດທົ່ວໂລກນັ້ນ, ນີວຊີແລນເປັນອັນດັບໜຶ່ງ, ສິງກະໂປ ອັນດັບ 2, ແດນມາກ ອັນດັບ 3 ແລະຮົງກົງຈີນເປັນອັນດັບ 4.
ເບິ່ງຈາກເຂດແຄວ້ນແລ້ວ, ໃນບັນດາກຸ່ມເສດຖະກິດທີ່ຄອງອັນດັບໜຶ່ງຫາ 10 ຂອງໂລກນັ້ນ, ມີສອງກຸ່ມຢູ່ເຂດອາຊີຕາເວັນອອກແລະປາຊີຟິກ ຄືສິງກະໂປແລະຮົງກົງຈີນ. ຂະນະທີ່ໃນບັນດາກຸ່ມເສດຖະກິດທີ່ຄອງອັນດັບໜຶ່ງຫາ 10 ທີ່ປະສິດທິພາບໃນການປັບປຸງການດຳເນີນທຸລະກິດໃຫ້ດີຂຶ້ນຫຼາຍກວ່າໝູ່ນັ້ນກໍມີສອງກຸ່ມຢູ່ເຂດນີ້ຄື ບຣູໄນແລະອິນໂດເນເຊຍ. ປີ 2015 ຜ່ານມາ, ບັນດາກຸ່ມເສດຖະກິດໃນພາກພື້ນດັ່ງກ່າວໄດ້ປະຕິບັດມາດຕະການປະຕິຮູບສ້າງຄວາມສະດວກໃຫ້ແກ່ການດຳເນີນທຸລະກິດ 45 ປະການ ໂດຍການປະຕິຮູບໄດ້ດຳເນີນເລັ່ງລັດຢ່າງຈະແຈ້ງ.
 |
