ວັນທີ 11 ພະຈິກນີ້ຢູ່ຫ້ອງການຂອງບໍລິສັດການຄ້າເອເລັກໂຕຼນິກແຫ່ງໜຶ່ງຢູ່ເຂດນິຄົມຂະແໜງການປະດິດສ້າງໃໝ່ເມືອງຈູ່ໄຫ ແຂວງກວາງຕຸ້ງ ສປ ຈີນ, ພະນັກງານໄດ້ເອົາໃຈໃສ່ບໍລິການລູກຄ້າທາງອິນເຕີເນັດ, ຂະນະທີ່ນັກຮ້ອງທີ່ມີຊື່ສຽງຂອງຈີນກໍໃຫ້ກຳລັງໃຈພະນັກງານເຊັ່ນດຽວກັນເຊິ່ງເປັນມື້ໂປຼໂມຊັນການຄ້າຂາຍທາງອິນເຕິເນັດປີລະເທື່ອຜ່ານວິດີໂອ. ເວລາ 0 ໂມງຂອງມື້ດັ່ງກ່າວ, ໄດ້ໄຂ "ເທສະການຊື້ເຄື່ອງທາງອິນເຕີເນັດວັນທີ 11 ພະຈິກ" ຢ່າງເປັນທາງການແລະຫຼັງຈາກນັ້ນພຽງແຕ່ 52 ວິນາທີ, ລວມຍອດມູນຄ່າຄ້າຂາຍຜ່ານທາງອິນເຕີເນັດຂອງເວັບໄຊ ທຽນມາວ ເຊິ່ງເປັນເວັບໄຊການຄ້າເອເລັກໂຕຼນິກຂອງຈີນໄດ້ມີມູນຄ່າ 1 ຕື້ກວ່າຢວນ, ໄວກວ່າ 1 ນາທີແລະ 12 ວິນາທີໃນປີຜ່ານມາ. ຂະນະທີ່ພຽງ 6 ນາທີ 58 ວິນາທີ, ລວມຍອດມູນຄ່າຄ້າຂາຍຂອງເວັບໄຊດັ່ງກ່າວກໍໄດ້ບຸກທະລຸ 10 ຕື້ຢວນ.