ກອງປະຊຸມອິນເຕີເນັດໂລກຄັ້ງທີ 3 "ແສງສະຫວ່າງອິນເຕີເນັດ" ໄດ້ໄຂຂຶ້ນຢູ່ສູນປະຊຸມແລະວາງສະແດງສາກົນເມືອງອູເຈິ້ນແຂວງເຈີ້ຈ່ຽງ ສປ ຈີນໃນຕອນບ່າຍ 14 ໂມງວັນທີ 15 ພະຈິກນີ້. ໂດຍວິສາຫະກິດຈີນແລະຕ່າງປະເທດ 300 ກວ່າແຫ່ງໄດ້ວາງສະແດງຜະລິດຕະພັນຫຼ້າສຸດຂອງຕົນ, ທີ່ມີທັງເຕັກນິກ, ຜະລິດຕະພັນແລະຊອຟແວໃໝ່ຂອງວິສາຫະກິດອິນເຕີເນັດຈີນແລະຕ່າງປະເທດທີ່ມີຊື່ສຽງຫຼືວິສາຫະກິດປະດິດສ້າງໃໝ່, ນອກນີ້ກໍໄດ້ມີການແນະນຳຜະລິດຕະພັນປະດິດສ້າງໃໝ່ກ່ຽວກັບຫົວຂໍ້ເຕັກນິກ, ການຄ້າອິນເຕີເນັດແລະອື່ນໆ.
